الحق والضلال الحق والضلال
البحث


معجزة رائعة لقديسنا العظيم ابونا ابرام الصموئيلى

منذ 1 شهر
November 12, 2019, 10:40 pm بلغ
معجزة رائعة لقديسنا العظيم ابونا ابرام الصموئيلى

موضوع
معجزة رائعة لقديسنا العظيم ابونا ابرام الصموئيلى
 خادم يحكى كنا في احد ايام صوم الميلاد وكان ابونا آبرام متعود ينزل القاهره قبل العيد ليوزع البركه والهدايا والمطبوعات قبل السنه الجديده وفي هذا اليوم وصل متاخر حوالي الساعه السابعه مساء وكان المقر في احمد حلمي وكنا خمسه خدام في شرف استقباله ووصل المقر حوالي الساعه الثامنه مساء وطبعا ماكنش في اكل او اي حاجه جاهزه لابونا والخادم المرافق له من سوهاج قام الاستاذ "صبري تصير" المحامي طلب مني اذهب "لاسماك الدوران" لاحضار طعام لابونا والخادم وتركتهم وذهبت وقلت لنفسي اجيب كيلوا ولا اثنين وسمعت صوت بيقولي هات ثلاثه كيلوا لكن بكل اسف الفلوس ما كفتش قمت جايب كيلو ونصف بالسلاطات والعيش وقلت في نفسي اكيد دول هايكفوا ابونا والخادم المرافق ليه ورجعت علي المقر وحطيتهم في المطبخ وققعدنا مع ابونا حتي الساعه الحاديه عشر مساء وقولنا لبعض يلا نمشي علشان ابونا جاي من السفر تعبان وعندما قررنا ذلك ذهبنا لابونا يحاللنا فقال لينا محدش يمشي غير لما نتعشي فبصيت للاستاذ صبري وهو عارف ان مافيش اكل جاهز غير السمك الي جبته لابونا واذا بابونا ينده علي الخادم المرافق ليه ويقله جهز العشاء وقعدنا كلنا علي الترابيزه وكان عددنا سبعه بابونا واحنا بناكل
ابونا ياخذ من السمك ويحط في طبق كل واحد مننا بايده الطاهره وقعدنا كلنا ناكل بشهيه عجيبه لحد ما كلنا وشبعنا وعلي الاقل كل واحد اكل (رغيفين عيش وخمس قطع سمك) ولان كل ما الطبق يخلص ابونا يحط بايده ثاني ويدينا واكلنا وشبعنا
ولقيت استاذ صبري بيخبطني في جنبي ويقولي شايف السمك الفائض قد ايه واذا بي اصعق من المنظر تقريبا كيلوا السمك ونصف زي ما هو مانقص منه حاجه فعلا عظيم انت يارب في قديسيك وكما باركت الخمس خبزات والسمكتين لتطعم شعبك تمجدت في ابونا القديس العظيم ابونا آبرآم الاب الحنون علي كل اولاده طوباك يا ابويا يامن كننت ينبوع حب وحنان علي الكل وشهود الواقعه دي الاستاذ "صبري نصير" المحامي صاحب المعجزه والمهندس جورج غبريال والاستاذ يحيي شكري وانا والدكتور سامح والخادم المرافق لابونا الاستاذ مجدي الضبع (حاضر المعجزة وشاهد عليها د/ تونى )
بركة صلوات وشفاعة ابي القديس ابونا ابرام تشملنا جميعا امين 
 











شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة roromoha
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.