الحق والضلال الحق والضلال
البحث


القصة الكاملة لقضية فتاة العياط بعد حفظ التحقيقات

منذ 2 شهر
November 13, 2019, 3:34 pm بلغ
القصة الكاملة لقضية فتاة العياط بعد حفظ التحقيقات

إعداد - صلاح عريان:
شغلت قضية فتاة العياط الرأي العام خلال الفترة الماضية منذ  14 يوليو الماضي إلى أمس الثلاثاء، وأمر النائب العام المستشار حمادة الصاوي، بحفظ التحقيقات في القضية،عقب تقديم دفاع الفتاة، التماسًا إليه، والذي أصدر قراره السابق، لعدم وجود وجه لإقامة الدعوى، وأكد بيان النائب العام أن التحقيقات أكدت وجود الفتاة في حالة دفاع شرعي عن عرضها، وترصد الوفد في السطور القادمة محطات فتاة العياط .
 
بداية حادثة فتاة العياط وقتل المجني عليه
أقدمت أميرة على قتل سائق حاول اغتصابها، في صحراء العياط في 14 يوليو الماضي بـ13 طعنة، وسلمت المتهمة نفسها لأفراد قسم شرطة العياط، إذ دخلت عليهم وملابسها ملطخة بالدماء، وتحمل سكينًا، وتبلغهم بأنها قتلت سائق سيارة ميكروباص حاول الاعتداء عليها قائلةً: "قتلت سواق كان عايز يعتدي عليا"، بعدما قابلت الشاب في حديقة الحيوان ووجدته مع شاب آخر وسرقوا منها هاتفها المحمول، وبعدها تواصلت مع الشخص الذي سرق الهاتف وواعدها أن تقابله ليعطيه لها، وبعدها طلب منها أن يوصلها بالميكروباص ودخل بها إلى منطقة جبلية في العياط واتضح أنه صديقهم الثالث، وكان مع الشاب سكين يحاول تهديدها به حتى يغتصبها، وأنها قامت بقتله بهذا السكين، مؤكدًا أنه هو من قام بتسليم ابنته إلى القسم.
 
رحلة فتاة العياط داخل الحبس
وقررت النيابة العامة بجنوب الجيزة في 15 يوليو حبس المتهمة 4 أيام على ذمة التحقيقات بعدما نسبت النيابة إليها تهمة القتل العمد لشاب حاول اغتصابها، وأصدرت النيابة العامة قرارًا بتشريح جثمان السائق، لبيان أسباب وفاته والإصابات التى لحقت به، وعرض الفتاة على الطب الشرعي، للتأكد من عذريتها، وفي 17 يوليو جدد قاضي المعارضات حبس فتاة العياط 15 يومًا، واستأنف دفاعها على قرار التجديد إلا أن قرار الاستئناف
تم رفضه، واستمرت فتاة العياط محبوسة على ذمة القضية حتى ورد تقرير الطب الشرعي الذى دعم روايتها وأنها كانت فى حالة دفاع شرعى عن النفس.
 
جانب من اعترافات فتاة العياط
أدلت فتاة العياط اعترافات تفصيلية أمام النيابة العامة وتضمنت أقوالها ما يلي "ركبت مواصلات وقابلت وائل وكان معاه زميله إبراهيم محمود، وقعدنا في الحديقة لغاية الساعة 4 العصر، وفي الحديقة شوفت وائل فاتح الشنطة بتاعتي وكان فيها روج وكحل وموبايل غير بتاعي السامسونج، المهم هو أخد التلفون بتاعي وسرقة، وبعد كده أنا ركبت مع إبراهيم أتوبيس نقل عام أزرق والأتوبيس كان زحمة، ومشفتش وائل وإبراهيم وهما بينزلوا، وفضلت في الأتوبيس لغاية بعد ميدان الجيزة، بعد كده نزلت عند محطة المنيب وكلمت وائل، لقيت اللي بيرد عليا واحد اسمه مهند زهران، وبيقولي أنا لقيت الموبايل ده في الجيزة، وبعد كده قالّي تعالي خديه من العياط، ووصفلي أركب إيه وفعلا رحت".
"كان بيكلمني كل شوية، المهم لما وصلت جه ودفع لسواق الميكروباص 5 جنيهات، وقلت لمهند أنا مش معايا فلوس عشان أروح بيتي قالي أنا هوصلك الفيوم، وهو ماشي في الطريق الصحراوي لقيته دخل مدق جبلي، قولت له إنت موديني هنا ليه، راح قالي هاتي بوسة وخربشني، وقالي أنا عايز أنام معاكي، وبعد كده طلعلي سكينة لأني اعترضت عليه، وجه على الكرسي جنبي وقالي هتنامي بالعافية، وأنا قلتله نتفاهم وهديته".
 
"قلتله إنت عايز إيه؟، نزل من كرسي السواق وفتح الباب وأنا خدت
السكين، فتح الباب وضربته بالسكين ناحية الشمال فرجع لورا، ونزلت أنا من العربية فراح قرب ناحيتي تاني، فروحت ضربته في بطنه وصدره لقيته راح يمشي ورايا وأنا ألف حوالين العربية لحد ما لقيته وقف في ظهر العربية، افتكرته هيفتح الشنطة ويطلع منها حاجة، وضربته بعد كده من ورا".
 
"عايزة أقول إنّ هو كان قالع قميصه لأنّي ضربته في رقبته وكان عايز يوقف الدم، وكان بيتحرك ورايا حوالين العربية لحد ما وقع في الأرض، وساعتها أنا مسكت السكين ومرضيتش أرميها عشان الدنيا هناك جبل ممكن حد يطلع عليا تاني وهدومي كانت غرقانة دم، وساعتها لقيت موتوسيكل وعليه اتنين شباب بس هما من برنشط معرفش أساميهم، وركبت وراهم ساعتها وقلتلهم واحد أخدني في الجبل وكان هيغتصبني فقتلته، وخدوني عند راجل اسمه حجاج وشغال في مسجد، ساعدني وغسلت الجاكيت بتاعي ونظفت وشيء من الدم، وهو اتصل ببابا وبابا جه ورحت سلمت نفسي في المركز وأديتهم السكين، وقلت لهم على مكان الجثة، ورحت مع رئيس المباحث لحد هناك وشفت الجثة، وبعد كده ودوني المركز وجيت النهاردة على النيابة".
 
إخلاء سبيل فتاة العياط وتجديد حبسها عقب استئناف النيابة
كانت المحكمة قد أخلت سبيل المتهمة على ذمة التحقيقات ولكن تقدمت النيابة باستئناف على قرار إخلاء سبيل "أميرة"، وقبلت محكمة جنايات القاهرة استئناف النيابة العامة على قرار إخلاء سبيل أميرة، فتاة العياط، وقررت المحكمة تجديد حبس المتهمة 30 يومًا على ذمة التحقيقات التي تجرى في اتهامها بقتل سائق ميكروباص حاول اغتصابها.
 
تقرير الطب الشرعي حول جريمة قتل فتاة العياط
وأوضح تقرير الطب الشرعي، تطابق الدماء الموجودة على السكين المستخدمة والسيارة وجسد المتهمة بدماء القتيل، وتطابق جلدها بالجلد الموجود تحت أظافر القتيل، وثبوت عذريتها، وخلو أظافرها من أي آثار لجلد القتيل".
 
إخلاء سبيل فتاة العياط وحفظ التحقيقات
في 5 نوفمبر الجاري أخلت محكمة الجيزة سبيل الفتاة بعد ما يقرب من 4 شهور فى الحبس بدون كفالات مالية، وغادرت الفتاة قسم الشرطة بعد إنهاء إجراءات إخلاء سبيلها، وبالأمس أمر النائب العام إصدار قرار بحفظ قضية فتاة العياط، لندن وجود وجه لإقامة الدعوى نظرًا لأن الفتاة كانت فى حالة دفاع شرعى عن النفس.

هذا الخبر منقول من : الوفد














شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة gege
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.