الحق والضلال الحق والضلال
البحث


البابا الجاهل .. البابا بتاع السحر والجهل .. قصه الجريده التي اهانت وشتمت البابا كيرلس لمدة 6 سنوات .. ماذا حدث لها ؟

منذ 3 اسابيع
November 15, 2019, 2:05 pm بلغ
البابا الجاهل .. البابا بتاع السحر والجهل .. قصه الجريده التي اهانت وشتمت البابا كيرلس لمدة 6 سنوات .. ماذا حدث لها ؟

موضوع
   لمده 6 سنين شتيمه وهجوم جامد عليه وتريقه اقراء الخبر (( البابا الجاهل )) قراء الخبر ((البابا بتاع السحر والدجل )) وهاتك كل يوم خبر وكلام كدب وشتيمه عن البابا كيرلس لدرجه ان كان الراجل يبيع الجرايد قدام باب البطرخانه فضل الوضع ده 6 سنين والبابا كيرلس لم يتكلم ابدا ولا يشتكى ولا اى شئ على الرغم ان كان له علاقه قويه جدا مع الرئيس جمال عبد الناصر ممكن يبلغه الجريده دى تتوقف فى نفس اليوم لكن البابا ساكت وكل ما يجى حد يكلمه من الكهنه فى الموضوع ده يقولهم انتم تصمتون والرب يدافع عنكم الى ان جاء يوم واحد من الدوله بلغ الرئيس جمال عبد الناصر واصدر قرار جمهورى اغلاق جريده مصر بعد ما اصدر القرار طلعو الكهنه فرحانين بقى يلا بينا نبلغ البابا كيرلس ونفرحه يا سيدنا يا سيدنا عندنا خبر حلو نقوله قالهم خير يا ولاد ؟؟؟؟ الرئيس اصدر قرار باغلاق الجريده اول ما البابا كيرلس سمع كده قال ازاى وانا مشتكتش ليه بس كده الكهنه استغربو هو قداستك زعلان انه قفلها ؟؟؟؟ قالهم يا ولادى الجريده دى كان شغال فيها كام عامل وكام اسره وكام بيت مفتوحين منها دلوقتى الناس دى تاكل منين (انا مش مهم) كل الاباء الكهنه سكتو وانبهرو بقى 6 سنين بيشتمو فيك وقداستك بعد كل ده تقول كده وتفكر فى العمال اللى شغالين فيها ؟؟؟؟؟؟؟ وفى نفس اليوم البابا كيرلس جاب الناس اللى كانت شغاله فى الجريده دى من عمال حوالى 300 عامل ووزعهم على اشغال واماكن تانى يشتغلو علشان بيوتهم متتخربش طيب بعد الموقف ده الواحد يقول ايه على عظمه واحتمال وقلب البابا كيرلس بقى يا سيدنا يشتموك 6 سنين وانت ساكت ومحتمل ولما يقفلوها انت تدور على العمال الغلابه اللى كانو شغالين فيها وتشغلهم انت (العظيم فى البطاركه) هو ده قلب البابا كيرلس الحنون العطوف احتمل 6 سنوات كلام ظلم وغلط ورغم كل ده فكر فى الغلابه اللى بيوتهم هتتقفل وجاب لهم شغل تانى وكل الناس جت تشكره وتبوس ايده وتطلب السماح منه احنا غلطانين سامحنا وهو كان يستقبلهم بابتسامه جميله وقلب اب حنون _____ هذا هو البابا كيرلس السادس❤️❤️











شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة Shero
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.