الحق والضلال الحق والضلال
البحث


من معجزات ابونا مينا عبود مفرح القلوب .. انا يعتبر الدكتورة الوحيدة إللي نقلت من غير واسطة

منذ 2 شهر
December 23, 2019, 12:13 am بلغ
من معجزات ابونا مينا عبود مفرح القلوب .. انا يعتبر الدكتورة الوحيدة إللي نقلت من غير واسطة

موضوع

انا صيدلانية و اتجوزت في اكتوبر و قدمت طلب نقل عشانكنت باشتغل في شبرا مصر و شبرا بعيد و صعب انزل كل يوم فروحت مديرية الجيزة اسال في مكان في اكتوبر انقل ولا لا لان حتي لو شبرا بعيدة عادي جنب ماما و كده المهم هي قالتلي طبعا يا دكتورة محتاجين و احنا هانفتح وحدة جديدة و محتاجين مش اقل من ٧ او ٨ صيادلة فشكرتها و ابتديت في إجراءات النقل بس مديرة الصيادلة في الجيزة مش بتنقل حد قريب من بيته و ده اللي عرفته بعد ما خلصت الإجراءات و رحت عندها تاني عشان اتوزع و قالتلي قدامك يا تروحي مستشفى اطفيح او اوسيم او إمبابة العام او الوراق. انا طبعا ماعرفش فين دول😂😂
فقلتلها يا دكتور حضرتك قلتيلي هاروح اكتوبر قالتلي مفيش حد هايروح اكتوبر عشان مقفوله و انتي اقربلك روحي إمبابة فوافقت و خرجت من عندها باعيط و يا رب عملت كده ليه المهم رحت تاني يوم استلمت و فضلت لمدة ١٠ شهور باجيب في وسايط عشان انقل و اقدم طلب نقل كل اسبوع سواء بواسطة او من غير و اتشفعت بالبابا كيرلس و في كل مرة اروح يقولولي طلب النقل اترفض كان نظام الشغل متعب جدا مع اني في شبرا كنت مستشفى برضه بس الصرف في إمبابة العام اكتر بكتير و الناس كمان تعاملها صعب و المديرة برضه كانت بتضايقنا في الاول لحد شهر ٧ اللي فات قلت للبابا كيرلس لو مش هانقل دلوقتي هديلي المديرة شوية و بالفعل بقت تعاملني احسن و بقت كويسة جدا معايا و في نفس الوقت قريت معجزات لابونا مينا و كنت اقول ما يمكن صدفة يعني ايه الدليل انه قديس (سامحني يا ابونا) و قلت خلاص هاجربه و عايزه اتنقل قبل اخر ٩ يعني لو ماتنقلتش ايه الجديد الكلام ده كان في اول ٩ بعدها مفيش اسبوع لقيت معجزه بتاعة واحدة لاقت شغل بعد ما اتشفعت بابونا مينا علي طول و كان قريب منها و المرتب حلو فانا رحت قلت يعني يا أبونا مينا سمعتها علي طول و انا بقالي أسبوع باطلبك مش معبرني تاني يوم لقيت المديرة بتاعتي بتكلمني بتسالني انتي وديتي طلب نقل قلتلها اه فقالتلي حصل فيه ايه فقلتلها تلاقيه اترفض زي اللي قبله قالتلي لا يا ستي د. داليا مديرة الصيادلة (إللي ضحكت عليا فوق😅) كلمتني و انا رشحتك من ضمن الناس اللي تنقل اكتوبر انا اتصدمت و معرفتش ارد فهي قالتلي انتي لسه معايا فقلتلها اه معلش من الصدمه بس مش عارفه أقول إيه لاقيتها بتكمل تقولي دي مكلماني من يوم الخميس إللي فات و انا نسيت اقولك المهم رحت تاني يوم علي طول قدمت الطلب و مشيت كان تقريبا يوم ١٦ او ١٧ في الشهر و بعدها قلت شكل ابونا مينا هايعملها صحيح و فضلت مستنيه قرار النقل لحد تاني أسبوع في شهر ١٠ و بقيت زعلانه من ابونا مينا و اقوله يعني تسيبني في النص كده و بعدها قلت اروح انا اشوف التأخير ده منين لاقيت ان القرار طلع بتاريخ 22/9 اتكسفت جدا من ابونا مينا و قلتله انا مش هاعاتبك تاني عشان شكلي بقي وحش اوي قدامك رجعت المستشفى و عملت الاخلاء و رحت الإدارة في ٦ أكتوبر فوزعتني الحمد لله في وحدة جنب بيتي لحين فتح وحدات جديدة و رحت استلمت بقالي يومين و الشغل هناك مريح جدا و قريب مني بعد ما كنت باقعد في المواصلات بال٥ و ال٦ ساعات يوميا رايح جاي كمان انا يعتبر الدكتورة الوحيدة إللي نقلت من غير واسطة بس انا معايا واسطة سمائية بركة شفاعة ابونا مينا و البابا كيرلس تكون معانا كلنا ♥️😘









 













شارك بتعليقك
فيسبوك ()


عرض خاص من بتر هاوس بالعاصمه الاداريه بمقدم ٥٦ ألف

كتب بواسطة Lomy
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.