الحق والضلال الحق والضلال
البحث


البابا كيرلس يتنبأ ايه الحكاية يا أبونا مصرً على إسم ميخائيل

منذ 1 شهر
February 20, 2020, 12:21 am بلغ
البابا كيرلس يتنبأ ايه الحكاية يا أبونا مصرً على إسم ميخائيل

موضوع
قصة حقيقية :
كان أبونا مينا المتوحد ماشى فى الشارع فى مرة ولقى واحدة بتنده علية يا أبونا مينا يا أبونا مينا قاله لها أيوه ياست عايزة إيه قالت له أنت رايح الدير أمتى قال لها بعد بكره قالت له أنا عاملة عيش شمسى تاخد أد إيه للأباء علشان ياكلوا؟ قال لها ومالوه يا ست
دخلت الست. ‏وملأت يجى حوالى خمسة عشر رغيف كبار ووضعتهم فى شوال وإديتهم لأبونا مينا أخدهم منها وشالهم ورفعهم على كتفة ومسكهم بإيد ومسك عصايته بإيد ،ومشى
شافه شاب كان ماشى قال له عنك يا أبونا إشيل اخد بركة قال له أتعبك يا ابنى
قال له لا يا أبونا ناخد بركة أخد الشاب الشوال وشاله على
‏كتفه ومشى جنب أبونا
شويه وطبطب أبونا على كتفة وقالة تعبناك يا أخ ميخائيل
قال له لا يا أبونا أنا إبنك نشأت .
قال له طيب يا حبيب أبوك شوية ، وقال له معلش يا ميخائيل إحنا قربنا نوصل .
قال له لا يا أبونا أنا إسمى نشأت . نشأت يا أبونا
قال له طيب
شوية وقال له خلاص يا ميخائيل
‏أحنا قربنا على الكنيسة
قال له لا لا يا أبونا نشأت نشأت
قال له طيب يا حبيبى ما تزعلش
المهم أول ما وصلوا قال له أقعد إستريح يا ميخائيل أعملك كوباية شاى المهم الشاب زهق فسكت .
دخل أبونا مينا المتوحد عمل كوباية الشاى ورجع وقال له أتفضل يا ميخائيل أشرب الشاى .
قال له الشاب
‏هى أيه الحكاية يا أبونا مصرً على إسم ميخائيل .
قالة يا ابنى ناخد بركة ربنا يعوضك يا أخ ميخائيل .
مشى نشات وبعد 6 او 7 سنوات راح يترهبن فراح دير البراموس وكان رئيس دير البراموس الأنبا أرسانيوس مطران المنيا فأول ما راح قال له : يا سيدنا أنا جاى اترهبن ومش هرجع العالم تانى .
‏رد علية وقال له أهلا بيك وطى رأسك راح قال سيدنا ميخائيل . تلميذ رهبنة فى دير البراموس .
راح بكي قال له بتبكي ليه رد عليه وقال له الإسم ده أنا عرفتة من 7 سنين قال له إزاى راح حكي له حكايته مع أبونا مينا المتوحد
وميخائيل هو أبونا ميخائيل البراموسى وموجود حاليا فى المانيا
‏وكل ما حد ينادي عليه يا أبونا ميخائيل يفتكر أبونا مينا المتوحد (البابا كيرلس) وهو بيقول له يا أخ ميخائيل
بركة صلوات وشفاعة حبيبي البابا كيرلس تشملنا جميعا آمين

 

هذا الخبر منقول من : فيسبوك














شارك بتعليقك
فيسبوك ()


كتب بواسطة gege
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.