الحق والضلال الحق والضلال
البحث


قصة عمود العدرا الموجود بالكنيسه المعلقه معجزه شهيره .. تعرفوا عليها

منذ 1 شهر
February 28, 2020, 5:22 pm بلغ
قصة عمود العدرا الموجود بالكنيسه المعلقه معجزه شهيره .. تعرفوا عليها

كتبت : لي لي جورج
لموقع الحق والضلال
في البدايه ممكن تستغربوا كلمه عمود العدرا !! لكن في عمود في الكنيسه المعلقه اسمو فعلا عمود العدرا ومرفق مع الموضوع صوره لعمود العدرا الموجود بالكنيسه ، تعالوا مع بعض نعرف قصه عمود العدرا . في عهد الخليفه المعز لدين الله الفاطمي كانت الكنيسه تمر بحاله ضيق شديده جدا ودا لطلب الخليفه من الانبا ابرآم لما قالو :- •مكتوب في الانجيل : لَوْ كَانَ لَكُمْ إِيمَانٌ مِثْلُ حَبَّةِ خَرْدَل لَكُنْتُمْ تَقُولُونَ لِهذَا الْجَبَلِ: انْتَقِلْ مِنْ هُنَا إِلَى هُنَاكَ فَيَنْتَقِلُ، وَلاَ يَكُونُ شَيْءٌ غَيْرَ مُمْكِنٍ لَدَيْكُمْ." وكما نعلم قالها يسوع في (مت 17: 20) وشدد المعز علي البابا مستشهداً بالايه دي وقالو لو الجبل ماتنقلش يبقا ايمان المسيحيين باطل والكنيسه هتقابل اضطهاد شديد جداً . فطلب الانبا ابرآم من الشعب القبطي انه يصوم ويصلي ٣ ايام علشان ربنا يستجيب لصلاتهم وتتحقق المعجزه دي . وذهب البابا ابرآم امام هيكل العذراء مريم الاوسط في الكنيسه واثناء صلاته اتفاجئ بتجلي وظهور السيده العذراء مريم بشكل مهيب وجميل امام العمود من الجهه الشماليه، وقالتلو : يا أنبا أبرآم إطلع من باب الكنيسة هاتلاقي واحد بعين واحدة إسمه سمعان هاينقل معاك الجبل بسبب طهارته . وفعلاً كلام أمنا العدرا أتحقق و نقل القديس سمعان الخراز الجبل. وتخليدا لهذا الظهور العظيم للعذراء مريم والمعجزه الجميله دي التي اثبتت ايمان المسيحيين القوي المبني علي الحق وتعاليم المسيح القويه ، رجع الانبا ابرآم وامر برسم صوره للعذراء مريم علي العمود اللي ظهرت عليه ، فكل مره تروحو الكنيسه المعلقه دورو علي العمود دا وافتكرو المعجزه القويه دي وافتكرو كمان ان الهنا اله قوي وكنيستنا كنيسه قويه وايمان قوي .

هذا الخبر منقول من : هذا الخبر خاص بموقع الحق والضلال














شارك بتعليقك
فيسبوك ()


عرض خاص من بتر هاوس بالعاصمه الاداريه بمقدم ٥٦ ألف

كتب بواسطة Lomy
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.