موقع الحق والضلال موقع الحق والضلال

خبر لن تراه علي الجزيرة ..بالصور ازالة الكنيسة الانجيليه

منذ 1 شهر
September 16, 2020, 12:40 am
بلغ

الصور دي لـ «الكنيسة الإنجيلية» بالأقصر اللي بيجري حاليا هدمها وإزالتها تماما لاستكمال مشروع إعادة إحياء «طريق الكباش» الأثري
الطريق ده بيربط بين معبد الأقصر اللي بيقع في وسط المدينة وبين معبد الكرنك اللي بيقع خارجها ، وهو أحد المشاريع السياحية ذات الطبيعة التاريخية الأثرية الكبيرة ، وله أهمية كبرى في تطوير المدينة التي تعتمد على السياحة بشكل شبه كلي فى دخل أغلب سكانها
مين الأقدم ، طريق الكباش واللا الكنيسة أو أي مبنى مقام فى المنطقة ؟
طريق الكباش طبعا





بس الناس بتستعمل الكنيسة ومبتستعملش الطريق ده دلوقت ؟!!
صحيح لكن الطريق ده متوقع انه يزود دخل أهل البلد ومصر كلها كمان لما يتم استرداده وتطويره ، عشان يبقى مصدر جذب سياحي كبير فى حد ذاته
بالتالي الأولوية هنا لحياة الناس وتحسيننها
المشروع الطموح ده بيقتضي هدم عدة مباني ، منها زي ما انت شايف كنيسة ، وممكن تلاقي بينها جامع، وممكن تلاقي مباني حكومية كمان ، أو مبانى أهالي
لكن فى النهاية المصلحة العامه فوق كل المباني ، لأننا نقدر نبنى مباني أخرى فى أماكن تانية ، لكن مش هينفع تعمل طريق الكباش (اللى هو جزء من تطوير المدينة ككل) في مكان تاني، بالتالى فبيتم هدم أي مبنى بيعرقل عملية التطوير دي ، أي مبنى مهما كانت أهميته
طبعا خبر زي ده مش ممكن تشوفه على قناة الخنزيرة أو أي من المواخير الإعلامية إياها ومش هتسمع أي جعير أو نهيق من أي شخص بخصوص الكنيسة دي ، لأن الموضوع مفيهوش اخوان ولا فيه أموال قطر ولا مخططات تركيا أو ايران ، وبالتالي مش هتسمع منهم غير صوت صرصور الحقل اليتيم




كتب بواسطة Shero

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play