موقع الحق والضلال موقع الحق والضلال

رسالة من مرتضى منصور لـ كارتيرون بعد قراره بالرحيل عن النادى

منذ 1 اسابيع
September 16, 2020, 12:50 am
بلغ

رسالة من مرتضى منصور لـ كارتيرون  بعد قراره بالرحيل عن النادى
عقد مرتضى منصور رئيس مجلس إدارة نادى الزمالك، اليوم الثلاثاء، وأعضاء المجلس اجتماعًا مع الفرنسى باتريس كارتيرون لمناقشة قراره بالرحيل عن النادى.

وقال مرتضى منصور فى فيديو أذيع عبر قناة نادى الزمالك لباتريس كارتيرون: "ناقشنا مع مجلس الإدارة ما دار بينك وبين أمير، وأن مجلس الإدارة على يقين بأنه يمتلك عقدًا مع فريق آخر بمبلغ أكبر من عقده مع الزمالك، خصوصًا أن تصريحاتك بعد مباراة الإنتاج كانت إيجابية فلا يمكن أن تتحول حالتك بشكل مفاجئ".
وأضاف رئيس نادى الزمالك: "المجلس بالإجماع متمسك بوجودك لأنك مدرب محترم ومحترف، وبصرف النظر عن الشرط الجزائى اللى لا يغنينا ولا يغنيك، لازم تعرف إن الزمالك غير أى نادى تانى عندنا جماهير بالملايين ودول اللى حبوك ووثقوا فيك وسامحوك فى بعض الإخفاقات وشالوك على الأعناق وقت المكسب".
وتابع: "إذا كان عندك عرض وتعاقد أكبر من نادى الزمالك فإنت لا مصرى ولا زملكاوى أنت محترف وتبحث عن مصلحتك وسمعتك، وستتأثر سمعتك بالتأكيد فى حالة رحيلك وأحنا وسط سباق، وما طلبته نفذناه فى عقدك، راهنا عليك وجددنا العقد مع إن الدورى وقف وكان فى كورونا ومفيش ضمانات لاستكمال المسابقة، لكننا وثقنا فيك، يحزننى أن تسىء لسمعتك، ولو عندك عقد من السعودية أو الإمارات أو أى مكان أكبر من عقد الزمالك هغير عقدك، أعرف قائد المركب ينط منها وهى بتغرق إنما مركبك ماشى تنط ليه! معاك بطولتين وداخل على التالتة وعندك ماتش تكسبه توصل لنهائى كأس، ولو كسبنا إفريقيا هيبقى فى كأس عالم للأندية وسوبر تانى، كل ده أكبر من الملايين المعروضة من أى بلد تانى".
وقال: "إنت مش عجوز ولا مكحكح ولا هتعمل زى جروس وتقول كبرت وعاوز اعتزل، ولو مضيت مع أى نادى تانى استأذن الشهر ده وبعده من غير شرط جزائى اتفضل مفيش مشكلة، ولو ربنا كرمنا هتاخد مكافآت عن البطولة وامشى بمنتهى الأدب وسمعتك تفضل زى ما هى وبعد البطولة بيوم أمشى".
واختتم حديثه: "رحيلك فى الوقت ده هيكون نقطة سودة فى تاريخك حتى لو أخدت مليون بطولة، وكيلك نفسه مستاء من تصرفك، ولو عاوز أكلم أنا النادى اللى أنت متفق معاه نستأذنه فى الشهر ده مفيش مشكلة، خد وقتك فى التفكير وأحنا بنحبك وبنحترمك وعمرك ما عملت مشكلة".

نقلا عن مبتدا




كتب بواسطة Heba

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play