موقع الحق والضلال موقع الحق والضلال

تطلب الخلع بعد 3 شهور زواج لسه آنسة وحماتي بتقولي انتى مش محترمة

منذ 2 شهر
December 4, 2020, 1:51 pm
بلغ





تطلب الخلع بعد 3 شهور زواج: لسه آنسة وحماتي بتقولي انتى مش محترمة








لم تتحمل "ولاء" أكثر من 3 شهور من الزواج، لتقف داخل محكمة الأسرة لرفع دعوى خلع من زوجها مبررة ذلك بقولها "3 شهور من الجواز وأنا لسه بنت زى ما أنا، لأن مافيش علاقة كاملة بتحصل بيننا، واكتشفت انه مريض وهو عارف كدا ورفض يعترف، وطلبت منه يروح لدكتور ورفض ولما قولت لأهلى الحقيقة، إنى لسة آنسة حماتى اتجننت واتخانقت معايا وتقول لى انتى مش محترمة مستعجلة على إيه، وقالت كلام كتير مش كويس وأهلى أصروا إني أطلق منه".
وروت الزوجة قصتها لـ"أهل مصر" قائلة: اتجوزت من 3 شهور صالونات، ووافقت عليه بعد ما معظم الناس شكرت فيه وفى أخلاقه وأنه إنسان فى حاله ومحترم، واتجوزنا بعد ٦ شهور خطوبة، وكنت بحلم بيوم الفرح زى أى بنت وعمرى ما اتخيلت إنى هاكون أتعس واحدة فيه، للأسف فى اليوم دا اكتشفت ان جوزى بيعانى من ضعف جنسي، ومش بيقدر يكمل العلاقة، ومرت الأيام وهو رافض يعترف بمرضه أو حتى يروح للدكتور، وأنا نفسيا تعبت فى الأول كنت مفهمة أهلى ان كل حاجة تمام، لحد ما فى يوم فاض بي الكيل لما رفض يروح للدكتور واتخانقنا، والقدر يشاء ان أهلى ييجوا فى اليوم ده وحكيت لهم كل حاجة، وبعتوا لأهله عشان يحلوا الموضوع.
وتابعت حديثها: والدته جات ولما عرفت انى قولت لأهلى اتهمتنى انى مش محترمة، وبطلع أسرار بيتى، وتقول لى "إنتى مستعجلة ليه إيه قلة الأدب دى، وكل دا قدام أهلى اللى أصروا على الطلاق، لكن رفض يطلقنى، ووالدتى خافت عليا أقعد يوم واحد تانى معاه فى البيت، وأخدتنى معاها ورفعت دعوى خلع ومازالت الدعوى منظورة أمام القضاء.
هذا الخبر منقول من : اهل مصر




الله محبة
 




كتب بواسطة GM

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play