موقف لا ينساه عزت العلايلي لمحمد سعد في الطريق إلى إيلات

منذ 1 سنه
January 13, 2021, 1:34 pm
بلغ

كشف الفنان الكبير عزت العلايلي، كواليس فيلم الطريق إلى إيلات والذي تم تقديمه قبل 28 عاما وبالتحديد سنة 1993، والذي شاركه بطولته النجوم: نبيل الحلفاوي، صلاح ذو الفقار، محمد الدفراوي، عبدالله محمود، ناصر سيف، مادلين طبر، محمد سعد، محمد عبدالجواد، وعلاء مرسي وغيرهم.





وقال العلايلي، خلال حواره مع الإعلامية والفنانة إسعاد يونس، مقدمة برنامج صاحبة السعادة عبر فضائية dmc: خضنا مغامرات كتيرة في هذا الفيلم، وفي مواقف كتير كما تموت من الضحك، أنا فاكر محمد سعد وإحنا لسه فوق المركب وهندخل جوه عرض البحر ومفيش هزار، فالناس عمالة تنط وبتاع، لقيته جاني على جنب كده وقالي: هي الحكاية دي جد؟ يعني هننزل في المية بجد؟ قلت له أيوه يا محمد بجد وأكيد هننزل المية .

أضاف: لقيت محمد سعد بدأ يرتعش وبتاع، قلتله ما تخفش يا محمد بدلة الإنقاذ اللي هنلبسها هتعومك حتى لو أنت في المحيط، قلت له متقلقش خالص هتترمي في المية بس هتعوم، وفين لما اقتنع، وأول ما نزل ولقى الموضوع سهل قالي ده أنا كنت بضحك معاك .

تابع: كنا شايلين مسئولية كبيرة أثناء هذا الفيلم، وخاصةً أن اللي عملوا العملية بجد كانوا حاضرين التصوير .

فيلم الطريق إلى إيلات من إخراج إنعام محمد علي، وﺗﺄﻟﻴﻒ فايز غالي، وتدور أحداثه خلال فترة حرب الاستنزاف عام 1969، وقبل حرب أكتوبر المجيدة، حيث تهاجم مجموعة من الضفادع البشرية المصرية، ميناء إيلات الإسرائيلي الحربي وقصة نجاحهم في تدمير سفينتين حربيتين هما بيت شيفع و بيت يام واللتان كانتا تهاجمان المواقع المصرية في البحر الأحمر بعد استيلاء القوات الإسرائيلية على سيناء.

هذا الخبر منقول من : مصراوى




كتب بواسطة emil
احصل عليه من Google Play تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play