بسمة تطلب الخلع من زوجها والسبب كان هيقتلها بسبب هذا الامر

منذ 8 شهر
May 14, 2021, 5:31 pm
بلغ
بسمة تطلب الخلع من زوجها والسبب كان هيقتلها بسبب هذا الامر

بسمة تطلب الخلع من زوجها والسبب كان هيقتلها بسبب هذا الامر

جوزي كان هيقتلني بسبب الغيرة





لم تتخيل بسمة أن زوجها بعد ٣ أعوام من الزواج ما زال الشك يسيطر عليه بسبب الغيرة، حتى وصل به الحال إلى التفكير في قتلها بسبب الغيرة والشك، حيث اكتشفت أنه يعاني من مرض نفسي مما جعلها تقف على أعتاب محكمة الأسرة لرفع دعوى خلع من زوجها مبررة ذلك بقولها من أول ما اتجوزنا وهو طول الوقت بيشك فيا لدرجة أنه فكر يخنقني بالإيشارب وحاول ينقذنى منه الجيران بعد عناء ومن يومها وأنا بقيت بخاف واترعب ابقي في مكان واحد معناه بعد اللى اعمله ليقتلني فعلا المرة الجارية.

وقالت بسمة في مستهل حديثها مع أهل مصر : أنا اتجوزت من ٣ سنين جواز صالونات وأنا من أول ما اتخطبت وهو بيغير عليا من أقل حاجة وكنت فاكرة أنه دا حب لكن للأسف عرفت الحقيقة لما اتجوزت واكتشفت أنه مريض نفسي بالشك، بيشك فيا بشكل غريب، ليمنعني اخرج لوحدي غير الشغل وحتى دا كمان بيمشي ورايا من غير ما اعرف لحد ما بقيت عايشة في عالم حجيم وانا على الرغم من كدا الكل بيحلف بأخلاقي وتربيتي، لكن هو الوحيد اللي بيحسسني إني خاينة، وكنت بتحمل عشان خاطر بنتي اللي ربنا كرمني بيها .

وتابعت حديثها قائلة: لكن هو بدل ما يحسن من نفسه ويروح لدكتور نفسي يتعالج، حالته زادت سوء أكتر وبقي بيشتم ويتهمني أنى خونته لحد ما في مرة اعتدى عليا بالضرب لما تخيل أني بخونة وجاب الإيشارب وفضل يخنق فيا لحد ما روحي كانت هتطلع وفضلت أصرخ لحد ما الجيران سمعوا جه وانقذوني وقررت ارفع ضده دعوى خلع بمحكمة الأسرة ومازالت الدعوى منظورة أمام القضاء .

هذا الخبر منقول من : اهل مصر




كتب بواسطة GM
احصل عليه من Google Play تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play