موقع الحق والضلال موقع الحق والضلال

شقيق يوسف حلمى المقتول غدر..ساعدونا نرجع حقة احنا شفناه مشنوق وفى شيكارة

منذ 1 اسابيع
June 9, 2021, 2:30 pm
بلغ

(كتبت روجى فادى لموقع الحق والضلال)

يوم وراء الثانى ينشر فارس حلمى شقيق الطفل يوسف حلمى الذى قتل غدر على يد جوزيف كلام مؤثر جداً واخر مانشرة عبر حسابة الشخصى على موقع التواصل الإجتماعي فيسبوك قائلا: انا اخو الطفل يوسف حلمي اللي اتقتل غدر يوم عيد القيامه وفي شهر رمضان المبارك وعنده ١٤ سنه جزء كبير فقدناه من دنيتنا لما يوسف راح خد حته من قلب كل حد في بيتنا وراح بيها.

واصاف: انا حابب اكتب اللي حصل مع يوسف علشان اللي مش عارف اللي حصل يعرف فى ليلة العيد خرج يوسف زي اي طفل عادي بيلبس لبس العيد وبيعيد وبنرن عـلية علشان نقعد نتعشي بليل زي اي بيت طبيعي ولكنه لم يرد على التليفون.





وتابع: قلقنا قعدنا ندور عند اصحابة قالوا مجاش دورنا فى كل مكان "شوارع البلد والمستشفيات والأقسام" وبرضو مش لاقينه فتتبعنا التليفون بتاعة لقينا تليفونه عند القاتل المجرم جوزيف عزت البالغ من العمر ١٨ عام وشهرين والمهم اتفاجئنا يوم العيد الشرطه مع عمي بتوريله اخويا وهو مقتول مشنوق بحزام ومحطوط في شكاره ومرمي في مخزن عيلة جوزيف.

 واليوم دة حسينا بحسرة عمرنا كلها ما شوفناها وبنصلي وندعي أن ربنا يصبرنا ومحدش يشوف اي وجع زينا بس كل اللي بنطلبه منكم تحسوا بينا وتساعدونا فى رجوع حق يوسف اخويا لو القاتل ماخدش اعدام الموقف دا هيتكرر تاني كتير.

ساعدونا وادعولنا أن ربنا يدينا صبر من عنده لأن حقيقي الوضع صعب جدا احنا كل ما حد في بيتنا بيجي يغمض عينه مش بيشوف غير يوسف وهو روحه بتطلع بالطريقه البشعه دي.





كتب بواسطة roromoha

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play