بالفيديو ابونا مكاري يعلق علي المعجزة التي رواها السياسي محمد محمود وهو يرد

منذ 5 شهر
June 30, 2021, 11:04 pm
بلغ

تابع عبر تطبيق google news google news google news

(كتبت روجى فادى لموقع الحق والضلال)

تحدث ابونا مكاري يونان خلال وعظتة عن المعجزة التي رواها السياسي محمد محمود منذ عدة ايام التي حدثت معة على يد ابونا مكارى يونان قبل الإعتقال بأيام فى شهر 7 اللى فات وبعدما قرأها لما يعلق عليها باي كلمة غير كلمة (امين) وعلق محمد محمود من جديد علي كلام ابونا مكاري يونان عبر حسابة الشخصى على موقع التواصل الإجتماعي فيسبوك.

قائلا: قدس أبونا مكارى يونان بيتكلم ع البوست بتاعى من الدقيقة 76 إلى الدقيقة 82، يعنى من ساعة و18 دقيقة، إلى ساعة و 22 دقيقة نقبل أياديك يا قدس أبونا.

ويروي محمد المعجزة ويقول قبل اعتقالي بأيام فى شهر 7 اللى فات فجأة تعبت وعملت تحاليل طلع ان نسبة الكرياتينين فى الدم عالية جدا وداخل على فشل كلوى فجأة كدة بدون مقدمات، عملت التحاليل فى تلات معامل مختلفة وهى هى نفس النتيجة، الطبيعى واحد من عشرة، وانا النسبة عندى تلاتة وستة من عشرة، والغسيل الكلوى بيبدأ من أربعة مصيبة.!!!

واضاف: كان لى صديقة مسيحية عايشة فى ألمانيا

اتصلت مشكورة بابونا مكارى يونان عشان يصلى لى واخد منها رقم تليفونى الحقيقة أنا من أعداء مكارى يونان بعنف وبقول مكارى عفاريت خصوصا لما قابل السيسى وقال له كتر خيرك انك رضيت تحكمنا شتمت فيه بكل عنف الحقيقة.!!!





وتابع: جالى فون بيلح ف الإتصال أنا مكارى، أهلا يا حبيبى، أؤمرنى، بحسبه صديق فيس بوك، قال لى أنا مكارى يونان أهلاااااااااااا ياقدس أبونا.نقبل أياديك يا سيدنا، قال لى أنا أولا لابتصل بمسيحى ولا مسلم، ومش بتصل بيك عشان أنصرك، دى صديقة قالت لى انك عيان وعايزانى أصلى لك، إنت طبعا مؤمن بقدرة الرب يسوع على الشفاء عن طريقى.!!!

واكمل: إحم، أعذرنى يابونا أنا ماليش فى السكة دى خالص، ليه يابنى؟ دة حتى مذكور فى القرآن معجزاته، برضه إحم يابونا أنا مش مؤمن بالمعجزات على الإطلاق. عشر دقايق الراجل بيكلمنى وبيلح على حاجتين، الأول ان إتصاله بدون غرض، ودى أنا واثق منها، بس تقريبا بيوجه كلامه للى بيراقبوا مكالماته، والتانى قدرة الرب يسوع على الشفاء، فى النهاية مل منى وقال لى طيب كأنى حاطط ايدى على راسك وهاصلى لك، وصلى لى ف الفون وأنا أكاد أذوب خجلا إنى مش قادر حتى أجامله ولو بالكذب، مش عارف للأسف.

واختتم :الكلام دة يوم الاتنين، يوم الأربع نزلت النسبة إلى واحد وستة من عشرة، فى المعتقل عملت تحليل كانت النسبة نموذجية واحد من عشرة.!!!صديقة بعتت النتيجتين قبل وبعد الإتصال لدكتور قال لها مستحيل علميا دة يحصل بالسرعة دى، وكمان من غير علاج؟ دى معجزة.

نشرت الكلام دة قبل السجن بيومين، وقلت من هنا ورايح الراجل دة قديس ف نظرى، وبقى قدس أبونا مكارى يونان، لأنى عارف ان قيمته فى المسيحية تعادل الشعراوى عند المسلمين، وتفضله بالاتصال جميلة تطوق رقبتى للقبر عارف ان الغالبية هنا مش مؤمنين بالمعجزة، ولا أنا كمان، بس دة اللى حصل بكل أمانة.!!!




كتب بواسطة roromoha
احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play