موقع الحق والضلال موقع الحق والضلال

خالد النبوى يكشف سر كوفية المعبد اليهودي في مشهد نقل المومياوات

منذ 2 شهر
July 21, 2021, 7:12 am
بلغ
تابع عبر تطبيق google news google news google news

خالد النبوى يكشف سر كوفية المعبد اليهودي في مشهد نقل المومياوات
كشف الفنان خالد النبوي، كواليس اشتراكه في فيلم "مصر الحضارة" الذي عرض في حفل موكب نقل المومياوات الملكية، كما فجر مفاجأة عن الكوفية التي ارتداها في المعبد اليهودي.


فكرة خالد النبوي في فيلم مصر الحضارة

وقال خلال لقائه ببرنامج "مساء دي ام سي" الذي يقدمه الإعلامي رامي رضوان بقناة "دي إم سي":" أشكر وزير السياحة خالد العناني والمنتج محمد السعدي اللي وفر كل الإمكانيات والمخرج تامر العشري، وأنا فرحان أوي باليوم كله لأنه فكر الناس إحنا مين وحقيقتنا إيه وإن إحنا نقدر ننتج بهذه العظمة مثل كل عمالقة السينما المصرية نموذج".

واستطرد:" يوم نقل المومياوات قلت لهم إن مش حاسس إن الرسالة مش واصله أوي وفين الروح والشريط الصوتي لازم يكون معبر عن الجزء المرئي، فالوزير قاللي إحنا واثقين فيك واللى عايز تعمله أعمله".





الأخبار المتعلقة



وعن كوفية المعبد اليهودي قال:"صورنا 4 أيام تصوير وكل يوم كان يحتاج أسبوع تحضير، والكوفية في المعبد اليهودي فرعوني وكان اقتراح الإستايلست ياسمين عيسي وعجبني، ولقيتها جايبة 50 كوفية فلقيت اللى لبستها فرعونية وعليها حروف فرعوني وأخري كان سيناوي واللى قالوا انها كوفية فلسطينية ده يوري الضمير العربي شكله إيه فلسطين عربية ومش هنهزر وساعات الناس يخدوا هدنة والرسول اخد هدنة ولكن الأمور لازم تبقى واضحة، ولما روحت المعبد اليهودي قالولي دي الوصايا العشر وقلت لهم هقف هنا وأقرأ الوصايا العشر فلقيت راجل نوبي جميل أسمر اسمه عم عبد النبي وعرفت أنه مشرف على المعبد من 35 سنة وسجلت معاه لقاء ومكنش متحضر بس الراجل ده قال رسالة مصر كلها، وقلت له مفكرتش أنك مسلم وبتشرف على معبد يهودي فقالي كلنا بني اَدمين، لكن عم عبد النبي مكنش جزء من قصة الفيلم".

نصائح كتاب الموتي
وتابع:"قرأت بعض الفقرات في كتاب الموتي فلقيت المصريين القدماء سبقوا الدنيا، ولقيتهم بيقولوا وبينصحوا بعض في الكتاب: لن تنسي أمك ولم تشمئز من قذارتك وحملتك لفترة طويلة ووقفت بجانبي وعملتك وربتك،  فأنبهرت بتفكيرهم وعظمة الحضارة المصرية القدية، وكل أسرة وكأنها جامعة".

انجاز الفراعنة
ولفت:"الفراعنة مكنوش بخلاء وانجزوا وبنوا وإحنا كمان لازم نبني ونسلم، وأبويا الله يرحمه كان بياخدنا حديقة الحيوانات وأنا صغير أنبهرت وأندهشت ولازم الولاد الصغيرين نعملهم مناخ فيه دهشة، وبقول للناس متفوتوش أي مكان أثري أو معبد الفيلة أو معبد الكرنك أو معبد حتشبسوت أو معبد ادفو أو الهرم وسقارة والمتحق المصري وشارع المعز".

مكتبة نور الشريف
وأختتم:"الفنان نور الشريف كان بيعمل اختيارات وأنا في معهد الفنون المسرحية ولما روحناله لقينا عنده مكتبته كبيرة  ولقيت عنده كتاب "قصة الحضارة" وقلت لنفسي يوما ما هاعمل مكتبة ويكون عندي الكتاب من 22 جزء".
نقلا عن فيتو




كتب بواسطة Heba

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play