موقع الحق والضلال موقع الحق والضلال

​ريهام سعيد تعلن اعتزال الإعلام .. والاتجاه إلى هذا المجال

منذ 2 شهر
July 21, 2021, 8:49 pm
بلغ
تابع عبر تطبيق google news google news google news


 
فاجأت الإعلامية ريهام سعيد، جمهورها ومتابعيها، بخبر صادم عبر حسابها الرسمى على موقع تبادل الصور والفيديوهات "إنستجرام".


وأعلنت ريهام سعيد، خلال المنشور اعتزالها العمل الإعلامى تماما، والاتجاه نحو التمثيل فقط.

وقالت الإعلامية والفنانة ريهام سعيد فى منشورها: "فكرت كتير قبل ما اكتب البوست ده أنا اعتزلت التمثيل سنة 2015، لأنى حسيت إن صاحب بالين كداب، وإن التمثيل مأثر على مسيرة الخير اللى ابتديتها من سنين طويلة، عشان الوقت والمجهود اللى بعمله، لكن عشقى للتمثيل اللى هو دراستى ومهنتى الأولى قبل الإعلام، رجعت أمثل تانى، وأنا لسه فى نظر المخرجين والمنتجين مذيعة عايزة تمثل".





الأخبار المتعلقة

 

اعتزال ريهام سعيد

وأضافت ريهام سعيد: "كنت عارفة إنى عشان آخد مكانى كممثلة، لازم أسيب الإعلام، زى، مع حفظ الألقاب، "داليا البحيرى وبسمة ودينا فؤاد ودينا الشربينى" وغيرهن، بس مكنتش قادرة أسيب رسالتى اللى كانت مهمة أوى وقتها".

وتابعت: "أنا حصلت لى مشاكل كتير من المهنة دى، بتأثير باطل من السوشيال ميديا من منافسين وأعداء، أنا تعبت وحاسة إنى قدمت كل اللى ممكن يتقدم، والدولة عاملة اللى عليها، ومش محتاجين دور المجتمع المدنى فى مساعدة الناس، ولكن أنا لى الشرف إنى اشتغلت فى المهنة العظيمة دى، اللى ليها رسالة سامية وعظيمة، ولى الشرف إنى كنت إعلامية فى أصعب وقت مر على الإعلاميين أيام حكم الإخوان، والحمد لله كان لينا موقف واضح وما اتغيرش ولا دقيقة".

واستطردت ريهام سعيد: "أنا الحمد لله حققت كتير فى التمثيل، وكل اللى اشتغلته علِّم مع الناس، واشتغلت أعمال كلها قيِّمة، بس بعد ما جالى السكر وشوية مشاكل تانيه؛ قررت أعمل اللى بحبه، أنا بكل أسف بعلن اعتزالى الإعلام تماما، وهركز كممثلة، وهطلب من الدكتور أشرف زكى إنه يساعدنى إنى أغير الفكرة الموجودة فى أذهان المخرجين والمنتجين إنى مذيعة".

وتابعت: "رسالة للأستاذة كاملة أبو ذكرى، ومش مكسوفة، نفسى أوى أمثل معاكى، حتى لو مشهد، ده من أحلامى، خطوة صعبة وفيها ريسك كبير، بس على الأقل أجرى ورا حلمى حتى وأنا فى السن ده جه الوقت إنى أستمتع باللى بعمله وبحبه، وخصوصا لما يكون فى عَصر ولا فيه واسطة ولا محسوبية، اللى هيجتهد هيوصل".

واختتمت ريهام سعيد: "ماتسيبوش حلمكم مهما فات الوقت، بشكر جمهورى من الأمهات والشباب والأطفال اللى دايما بيدعمونى، وحبوا برامجى واتعلموا منها، وبشكر ربنا على 20 سنة، ادانى الفرصة فيها إنى أقضى حوائج الناس، وأقدم كل ما هو مفيد، فخورة بكل حلقة، وبكل حرف قدمته 20 سنة تعب وسهر وتصميم على تقديم الحقيقة، أنا آسفة ليكوا، بس التمثيل رسالة برضو، وهو حلمى الأساسى اللى اتأخرت أوى عشان أحققه يا رب وفقنى وساعدنى".

هذا الخبر منقول من : مبتدأ




كتب بواسطة Shero

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play