لهذا السبب.. ريهام سعيد تعلن اعتزالها الإعلام بشكل نهائي

منذ 4 شهر
July 23, 2021, 2:22 am
بلغ
تابع عبر تطبيق google news google news google news

كشفت الإعلامية ريهام سعيد عن أنها فكرت كثيرا قبل إعلان قرارها، وقالت عبر حسابها الخاص عبر تطبيق تبادل الصور (انستغرام): "فكرت كتير قبل ما أكتب البوست ده، أنا اعتزلت التمثيل سنة 2015؛ لأني حسيت إن صاحب بالين كداب، وإن التمثيل مأثر على مسيرة الخير اللي ابتديتها من سنين طويلة، عشان الوقت والمجهود اللي بعمله".


و تابعت ريهام" لكن عشقي للتمثيل اللي هو دراستي ومهنتي الأولى قبل الإعلام، رجعت أمثل تاني، وأنا لسه في نظر المخرجين والمنتجين مذيعة عايزه تمثل"، وفق (سيدتي).

وأضافت" كنت عارفة إني عشان أخد مكان كممثلة؛ لازم أسيب الإعلام، زي- مع حفظ الألقاب- داليا البحيري وبسمة ودينا فؤاد ودينا الشربيني" وغيرهن، بس مكنتش قادرة أسيب رسالتي اللي كانت مهمة أوي وقتها".

وواصلت ريهام سعيد: "أنا حصلت لي مشاكل كتير من المهنة دي، بتأثير باطل من السوشيال ميديا من منافسين وأعداء، أنا تعبت وحاسة إني قدمت كل اللي ممكن يتقدم، والدولة عامله اللي عليها، ومش محتاجين دور المجتمع المدني في مساعدة الناس، ولكن أنا ليَّ الشرف إني اشتغلت في المهنة العظيمة دي، اللي ليها رسالة سامية وعظيمة، وليَّ الشرف إني كنت إعلاميه في أصعب وقت مر على الإعلاميين أيام حكم الإخوان، والحمد لله كان لينا موقف واضح وما اتغيرش ولا دقيقة".

وتابعت قائلة: "أنا الحمد لله حققت كتير في التمثيل، وكل اللي اشتغلته علِّم مع الناس، واشتغلت أعمال كلها قيِّمة، بس بعد ما جالي السكر وشوية مشاكل تانيه؛ قررت أعمل اللي بحبه، أنا بكل أسف بعلن اعتزالي الإعلام تماما، وهركز كممثلة، وهاطلب من الدكتور أشرف زكي إنه يساعدني إني أغيَّر الفكرة الموجودة في أذهان المخرجين والمنتجين إني مذيعة".





الأخبار المتعلقة

 


وأكملت ريهام سعيد منشورها: "رسالة للأستاذة كاملة أبو ذكري، ومش مكسوفة، نفسي أوي أمثل معاكي، حتي لو مشهد، ده من أحلامي، خطوة صعبة وفيها ريسك كبير، بس على الأقل أجري ورا حلمي حتى وأنا في السن ده جه الوقت إني أستمتع باللي بعمله وبحبه، خصوصا لما يكون في عَصر ولا فيه واسطة ولا محسوبية، اللي هيجتهد هيوصل".

واختتمت ريهام سعيد بيانها قائلة: "ماتسيبوش حِلمُكم مهما فات الوقت، بشكر جمهوري من الأمهات والشباب والأطفال اللي دايما بيدعموني، وحبوا برامجي واتعلموا منها، وبشكر ربنا على 20 سنة، اداني الفرصة فيها إني أقضي حوائج الناس، وأقدم كل ما هو مفيد، فخورة بكل حلقة، وبكل حرف قدمته، 20 سنة تعب وسهر وتصميم على تقديم الحقيقة، أنا آسفة ليكوا، بس التمثيل رسالة برضو، وهو حلمي الأساسي اللي اتأخرت أوي عشان أحققه، يا رب وفقني وساعدني".

و يذكر أن ريهام تعاقدت مؤخرا على المشاركة ببطولة مسلسل "السيدة زينب" للنجمة سوسن بدر المقرر تصويره ما بين القاهرة وبيروت، وتجسد ريهام شخصية سمية، ويشارك في بطولة المسلسل دينا، احمد وفيق، محمود عبد المغني، فراس، أشرف عبد الغفور ومن اخراج محمد النقلي.


christian dogma




 

هذا الخبر منقول من : دنيا الوطن




كتب بواسطة gege
احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play