العذراء تظهر لعروسة المسيح مارينا قبل رحيلها وتكشف لها عن مكانها في الفردوس

منذ 2 شهر
September 19, 2021, 12:53 pm
بلغ
تابع عبر تطبيق google news google news google news

(كتبت روجي فادي لموقع الحق والضلال)

تروي زوجة خال عروسة المسيح مارينا التى رحلت عن عالمنا بعد معاناة مع مرض الفردوس وتقول مارينا كانت عايشه معانا فى نفس البيت هى انسانه طيبه ومؤدبه كل اللى عرفها حبها من كلامها الحلو وتدخل القلب بسرعه وكانت رايحه تالته كليه وبتحب الكنيسه جدا وعلى طول تتناول وتعترف.

واضافت: كانت بتمثل دور العدرا فى الكنيسه وهما كانوا بيختاروها لان شكلها جميل وكل ما تطلع يتقدملها عرسان ولكنها كانت ترفض دائماً وتقول انا مش عاوزه اتجوز ومبتحبش تجيب سيره وتزعل من اي حد يجيب سيرت حد تاني قدامها ولما كانت بتشوف صوره تماف ايرينى وتقولها نفسى استشهد زيك.





وفجأه السنه اللى عدت تعبت عملت تحاليل طلع كانسر فى الدم وفي وجود الممرض جات العدرا وقالتلها خدى دواكى عندى ولما الممرض سالها مين دى يا مارينا قالتله ماما العدرا وظهرلها ابونا مينا عبود وقالها هتروحي الكنيسه وهتلاقي آخر قزازة زيت ليا وبالفعل اخوها راح بيها الكنيسه وقابلو ابونا قاللها خدى يا بنتى دى اخر قزازة زيت وكانت تحكى للناس معجزاته وتوزع زيت وحنوط وتملى تروح المزار.

وتم شفائها من الكانسر وبقيت احسن من الاول ومن شهر تعبت فجأه الدكتور طلب تحاليل طلعت مش كويسه واتحجزت فى المستشفى جاتلها الست العدرا وورتلها مكان حلو خالص هى سالت ماما العدرا المكان الحلو دا يا ماما بتاع مين قالتلها مكانك انتى يا مارينا ولما حكت لمامتها واخوها قالو ممكن تكون بتخترف قالت لخالها شايف يا خالو فاكرينى بخترف لكن صدقنى يا خالو ماما العدرا جاتلى وجمالها ميتوصفش بعد ما حكتلهم دخلت العنايه وراحت السما.




كتب بواسطة roromoha
احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play