ابونا بولس جورج يروى قصة حقيقية..محتاج فلوس يااارب اعمل ايه !!!!! ??

منذ 2 شهر
September 19, 2021, 6:40 pm
بلغ
تابع عبر تطبيق google news google news google news

#محتاج

فلوس يااارب اعمل ايه !!!!! ??

قصة حقيقية رواها ابونا بولس جورج

يقول ان احد الاباء الكهنة كان يخدم فى منطقة عشوائية فقيرة شوية وكان ساعتها محتاج فلوس كتيرة شوية كان محتاج مبلغ 7000 جنية تانى يوم .

فراح الكنيسة علشان يصلى العشية وبعد كدة ياخد اعترافات . فصلى العشية ومجاتش اعترافات وكان قلبة مغموم قوى لان المبلغ دة كان لازم يوصل قبل تانى يوم فقال ادخل اصلى لربنا وقالة فى صلاتة يارب انت غنى وعندك فلوس كتير ابعت يارب علشان المشكلة بتاعت بكرة دى محتاجة مبلغ 7000 جنية.

وماكنش عارف ربنا هيعمل اية !؟

المهم وهو قاعد ومش لاقى حد . منطقة بسيطة وكلها ناس على قد حالها وبعد كدة بص ابونا قدامة لقى واحد داخل علية لابس بدلة وكرافتة وساعة شيك وقالة يا ابونا الكنيسة دى اسمها اية ؟؟؟

ابونا قالة اسمها كنييسة كذا

الرجل قال لابونا اصل انا لاقيت القبة والصليب وماكنتش عارف حتى مدخل المنطقة دى منين ولفت لف علشان اجيلك هنا .





ده المكان هنا حلو قوى

رد ابونا قاله بركة ربنا

وفضل الرجل يحكى مع ابونا شوية وبعد كدة قالة اسمع يا ابونا انا رجل اعمال ومعايا مبلغ ناوى اوزعة على الكنائس اتفضل ادى 1000 جنية

ابونا قالة اجيب لك ايصال ؟؟

الرجل قالة لأ مش عايز ايصال . الفلوس معاك اعمل بيهم اللى انت عايزة وصلى لى وصلى لاولادى يا ابونا

الرجل ركب عربيتة ومشى وابونا شكر ربنا وقالة ادى 1000 جنية يارب وباقى 6000 جنية بس يارب حكمتك يمكن انت مش عايز تبعت ال6000 جنية

المهم حصل حاجة غريبة ابونا لقى الرجل رجع تانى وقالة بص يا ابونا الظاهر ان الدنيا ليلت وانا مش هلحق اروح كنائس تانية المبلغ اللى كنت ناوى اوزعة كلة 7000 جنية اديتك 1000 جنية وادى 6000 جنية واداهم لابونا ومشى

ابونا شكر ربنا خالص على رعايتة ومحبتة فى تدبير امور كنيستة وبقى طاير من الفرحة لانة حس بايد ربنا .

يا لعمق غنى الله وحكمته وعلمه.ما ابعد احكامه عن الفحص وطرقه عن الاستقصاء .

( رو 11: 33 )

الله محبة




كتب بواسطة roromoha
احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play