هل الحامل او اللي بترضع ممنوعه تاخد لقاح الكوفيد؟؟ دكتور محمد علام يجيب

منذ 2 شهر
September 21, 2021, 9:49 pm
بلغ
تابع عبر تطبيق google news google news google news

(كتبت روجي فادي لموقع الحق والضلال)

هل السيدات الحامل او اللي بيرضعوا غلط ياخدوا لقاح الكوفيد !!!

اجاب الدكتور محمد علام نائب مدير مستشفي العزل بالنجيله سابقاً من خلال صفحتة الشخصية علي موقع التواصل الاجتماعي فيسبوك قائلا: الحامل او اللى بترضع مش ممنوعه من اخذ اللقاحات اثناء الحمل وبالعكس فى لقاحات  بيوصى ان الحوامل ياخدهوها لفايدتها ليهم زى الانفلونزا.

واضاف: اما المنع فى حاله الكوفيد مش لوجود خطر عليهم او لوجود خطر على الاجنه لكن المنع بسبب عدم وجود دراسات كافيه على الحوامل واللى بيرضعوا لكن الكلام ده فى الاول وبدء يتغير فى موقع CDC مكتوب ان مفيش اى دليل على وجود خطر على الاجنه من اللقاحات عموما ومن ضمنها لقاحات الكوفيد.






وتابع: فى اخر تحديث لCDC فى ١١ اغسطس قالوا ان اللقاح أمن وبيشجعوا الحوامل او اللى بيخططوا للحمل او اللى بيرضعوا ياخدوه وفى موقع nhs فى انجلترا نفس المعنى مفيش خطر سواء من استرازنكا او فايزر وموديرنا وان كان بيفضلوا فايزر وموديرنا للحوامل وسنهم تحت الاربعين وفى موقع منظمه الصحه العالميه مكتوب ان اليه عمل معظم اللقاحات مشابهه للقاحات قديمه ومتوقع ان مفيش خطر منها وأمنه ومشابهه للقاحات بتاخدها الحوامل بدون اى مخاطر  ومنها اللقاحات المعطله زى سينوفارم او سينوفاك وفى اللقاحات اللى بتستخدم نواقل زى استرازنكا.

واكمل كلامه قائلا: اما اللقاحات الجديده المعتمده على mRNA زى فايزر وموديرنا فالنتائج الاوليه لتجاربهم على الحوامل واللى بيرضعوا بتقول مفيش خطوره علشان كده امريكا وانجلترا بيقولوا للحوامل ياخدوهم نقطه اخيره قلتها اكتر من مره اللى بترضع انا مش شايف اى سبب علمى يمنع انهم ياخدوا اللقاح مفيش خطر على الام ولا الجنين، واللى بتخطط للحمل مفيش اى مشكله بردو تاخد اللقاح اما الحامل فدى لو حصل اصابه ليها بالكوفيد الموضوع هيكون اصعب ففايده اللقاح ليها اكبر لكن الفارق الوحيد انها بتحتاج متابعه لما تاخد اللقاح مش اكتر.

واختتم : السؤال ياخدوا اى نوع لقاح ؟؟!!! 
عندنا التحديثات الاخيره فى امريكا وبريطانيا بتقول فايزر وموديرنا لان دى اللقاحات اللى ظهرت نتائجهم المبدئيه على الحوامل وبتقول انهم أمنين ، لكن انا متأكد ان سينوفارم وسينوفاك أأمن لانهم فيرس معطل واعراضهم الجانبيه اقل بكتير بالاضافه الى انهم متاحين عندنا فانا شايف ان الحامل واللى بترضع تاخدهم (وللعلم زوجتى بعد الولاده اخدت سينوفارم).





كتب بواسطة roromoha

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play