موقع الحق والضلال موقع الحق والضلال

هو صحيح الميت بيتكلم بعد وفاته تعالوا نشوف ايه الحكاية؟؟

منذ 3 يوم
October 12, 2021, 10:09 pm
بلغ
تابع عبر تطبيق google news google news google news

(كتبت روجي فادي لموقع الحق والضلال)

هو صحيح الميت بيتكلم بعد وفاته تعالوا نشوف ايه الحكاية؟؟

قالت والدة عريس السماء جورج ماحدث معها من خلال صفحتها الشخصية بموقع التواصل الاجتماعي فيسبوك: انا هتكلم عن تجربتى انا مع ابنى وحبيبي چورچ يوم ما وصلنا الخبر جرينا البيت كله (عمته وولادها وزوجها وأخوات زوجى) كنا بالقاهرة وحبيبي كان في العنايه المركزه في معهد ناصر.

واضافت: وصلنا الساعه ٧ صباحا أمام المشرحه او بمعنى افضل أمام المكان اللى هنستلم منه حبيبي جورج دخلت لقيت موظف قاعد على مكتب قولتله انا ابنى مات ونزل الفجر من العنايه اسمه چورچ
قالى معنديش حد نزل بالاسم دا مصدقتوش قلبي كان بيقولى أنه نزل وشويه قعدت على كنبه جنب عمته وبنت خالى وانا ببكى في صمت صوتى لم يطلع ابدا.

وفجأة لقيت چورچ جاى وانا قاعدة وقالى اتكلمى ياماما انا سامعك اتكلمى ياحبيبتى وجسمه كان شفاف بس هو چورچ انا بس اللى سامعه وشايفه قالى انا هنا ياماما قومى اخدنى وقمت معاه لقيت الموظف مش موجود واخدنى چورچ ودخلنى جوا  المكان المرعب دا لقيت حجرة فيها تلاجه كبيرة قووى فيها عيون كتيرة مليانه ناس ميتين.

وتابعت: لسه هدخل الحجرة دى قالى لا مش هنا وشاورلى على الحجرة اللى جنبها الباب كان مقفول فتحته لقيت شخص نايم على ترولى متغطى كشفت الغطاء لقيته حبيبي نايم وجسمه تلج وازرق وقعد يقول اتكلمى ياماما اتكلمى ياحبيبتى قعدت اتكلم معاه كتير قوى.

واصلى قطعه وعند مفارقه نفسي من جسدى احضرى عندى ولمؤامرة الأعداء اهزمى والابواب الجحيم اغلقى لاأيبتلعوا نفسي ياعروس بلا عيب للختن الحقيقي وقعدت اتكلم معاه كتير قوى لغايه ما خلاص لازم نلبسه لبس العرس ونحطة في الصندوق بايدى انا وابوة ومن لحظتها مسمعتش صوته بودنى تانى.


كتب بواسطة roromoha

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play