ياعدرا اعملي حاجة علشان خاطر يسوع ابنك و كانت المفاجئه الى محدش صدقها

منذ 2 شهر
November 2, 2021, 9:53 am
بلغ
ياعدرا اعملي حاجة علشان خاطر يسوع ابنك و كانت المفاجئه الى محدش صدقها

وقعت طفله من ابلكونه فى حاله موت و الرب تمجد فى قدسيه





سقطت طفلة تبلغ من العمر 10 سنوات من بلكون من دور عالي وجالها نزيف شديد فجريت بيها امها علي مستشفي العدرا اللي في الزيتون وقاللها الدكتور احنا عايزين حالا ننقلها دم فصيلة o - لو تعرفي تجيبي حد فصيلته o يبقي ياريت بس بسرعة - الام كانت لوحدها وماتعرفش حد . تفكيرها قالها انها تروح الكنيسة - واول مادخلت كنيسة العدرا وقفت قدام ايقونتها وهي بتصرخ وقلبها محروق وقالت انتي ياعدرا اعملي حاجة علشان خاطر يسوع ابنك انتي ما بترديش عليا ليه مش هي بنتك - وبدات تخبط علي زجاج الايقونة بتاعة العدرا وتقولها هاكسر الازاز ومش هاخش بيتك تاني انتي سمعاني [ بعياط ودموع ] - واثناء ذلك جات واحدة من المستشفي انتي ياست تعالي كلمي الدكتور عايزك حالا جريت بسرعة علي الدكتور وبتقوله ايه البنت ماتت الدكتور مش عارف اقولك ايه الدكتور بنتك سبتها في الاوضة رجعت لقيت ريحة بخور ولما بصيت عليها لقيتها سليمة ومفيهاش حاجة - الست اللي راحتلها الكنيسة كانت واقفة وقالتلها روحي الكنيسة وصالحي العدرا هي بتحب الشمع - الام رجعت الكنيسة واشترت شمع وكل ما تيجي تولع شمعة مش عايزة تولع وتنطفي - بنتها اللي خرجت معاها قالتلها ياماما ده ماما العدرا جات ليا في المستشفي وهي اللي شفتني وزعلانة منك علشان انتي قلتلها انك هاتكسري الازاز بتاع صورتها - الام سامحيني يا ام النور وسجدت قدام الصورة وبكت وندمت علي الكلام اللي قالته - بنتها قالتلها يا ماما الشمعة نورت وعرفت ان العدرا سامحتها.

بركة صلاه العدرا ام النور تكون معنا.

منقول




كتب بواسطة emil
احصل عليه من Google Play تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play