محمد فتحي..انا المسلم اللي بزور العدرا وصاحبي المسيحي بيصوم رمضان

منذ 2 شهر
November 14, 2021, 9:12 pm
بلغ
محمد فتحي  انا المسلم اللي بزور العدرا وصاحبي المسيحي بيصوم رمضان

(كتبت روجي فادي لموقع الحق والضلال)

علق الشاعر المحترم محمد فتحي علي تصريحات زكريا بطرس التي اثارت غضب الجميع وعلق علي الهجوم الشديد الذي انهال عليه قائلا: أنا المسلم اللى بزور العدرا و صاحبى المسيحى بيصوم رمضان ردا على ما يردده السيد زكريا بطرس عفوا شعب مصر واعى .

واضاف: والله بتعجب كتير قوى على اللى بقيت أشوفه فى الزمن ده دلوقتى بقى يطلع واحد من هنا أو من هناك يخبط و يلخبط و يقول أى كلام و السلام وناس ترد و ناس تصد و ناس مع و ناس ضد ياريت الناس كلها تفهم أن اللى مقصود هنا مش أنا ولا أنت ولا هو اللى مقصود بقى هنا مصر مش حد تانى عايزين حرب أهلية عايزين خراب عايزين دمار عايزين نار عايزينا ناكل فى بعض نقتل بعض نموت بعض عايزين يقتلوا محبتنا عايزين يدبحوا الود اللى بننا عايزين مصر تبقى تراااااااااب .





وتابع: اللى محدش منهم عارفه بقى أن مصر شعبها واعى جدا جدا جدا و اللى بين المصريين محدش أبدا يقدر عليه ولا حد يقدر يلمسه إحنا اللى بننا كتير

إحنا اللى بننا كبير إحنا بننا محبة و خير طبعا الناس اللى بتنفذ المؤامرة و الأجندة من خارج مصر عايز أقولهم أنى بلتمس ليكم العذر و مسامحكم كمان عارفين ليه لأنى أنا المسلم اللى بزور العدرا و صاحبى المسيحى بيصوم رمضان و بيوتنا مفتوحة على بعضيها و بالبلدى الحيط فى الحيط والغيط فى الغيط إحنا واحد فعلا .

واختتم: السيد اللى بيهين و يجرح فى سيدنا محمد عليه الصلاة و السلام عايز أقوله مهما تقول و تعيد و تزيد بكلام فاضى مش مفيد سيدنا محمد فوق أى تجريح أو أهانة لأنه المصطفى المختار المعصوم إحنا أكبر من الفتنة

إحنا عايشين فى محبتنا إحنا أخوات مش أولاد عم

كلنا واحد من نفس الدم مسلمسيحى كلنا مصريين

هنفضل واحد مش أتنين إحنا هلالنا منور و صليبنا مرفوع

صوت قرأنا و أنجيلنا دايما مسموع .




كتب بواسطة roromoha
احصل عليه من Google Play تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play