اترفع عليا مطوة من متحرش.. فتاة تروي تفاصيل اعتداء 6 الصبح

منذ 2 يوم
November 25, 2021, 5:51 pm
بلغ
تابع عبر تطبيق google news google news google news



نشرت فتاة مقطع  فيديو لمتحرش قام بالتحرش بها داخل ميكروباص باتجاه المعادي.


وعلقت منه علي الفيديو قائلة :"  النهاردة اترفع عليا مطواة من واحد اتحرش بيا!

وروت الفتاة تفاصيل الحادث قائلة:" الساعة دلوقتي ٦:٣٠ الصبح رايحة شغلي ، راكبة في الكنبة اللي قبل الأخيرة وورايا واحد عمال يدخل صوابعه من الفتحة بين الكرسين أول مرة انا اتخضيت واتنفضت فاشال ايده بسرعة يمكن متهيألي عشان كنت نايمة شوية على نفسي 
بس صحيت والكنبة كلها ورا فاضية وهو زانق نفسه ورايا بالظبط عشان يدخل ايده !!!!





الأخبار المتعلقة



أضافت الفاة :"لما كررها تاني واتأكدت وفضلت ازعق فضل يشتم ويقولي أن الكرسي اللي أمامه ضيق عليه لكن كان ممكن يقعد في الكنبة ومش هيبقى فيه أي كراسي قدامه والمكان ، هيبقى ، كنبة مفتوحة في ٣ مرات للأمانة السواق في الأول نزله وقاله انزل ومتقعدش في عربيتي وهو مرضيش ينزل فجأة قرر يطلع مطواه وقرر يفتحها.


وأكملت :  بعد ما قفل المطوة وقعدوه ع الكرسي والناس هدوه لأنه كان بيهددني والسواق انه يدبحنا 
الناس اتلمت وزي ما انتوا شايفين في آخر الفيديو الناس نزلوني أنا من الميكروباص عشان هو ماسك المطواه ، وقعد في نص العربية يتشرط ويقول السواق ده مش هيشتغل الخط تاني وانه لو شافني تاني هيعمل ويسوي.


وأضافت: وقالهم في الاخر بكل بجاحه اني واحدة ……. عشان لو كنت محترمة كنت سكت لحد ما وصلنا ، أنا مرعوبة وعمري ما حصل معايا التهديدات دي وهو شتمني الشتائم دي !!!! 
انا عايزة حقي ارجوكم شيروا البوست ده عشان حقي مش هييجي غير بكده".

هذا الخبر منقول من : صدى البلد




كتب بواسطة Shero

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play