ماذا قالت شيرين عبد الوهاب عن حسام حبيب قبل أنباء طلاقهما

منذ 1 شهر
November 30, 2021, 4:30 pm
بلغ
ماذا قالت شيرين عبد الوهاب عن حسام حبيب قبل أنباء طلاقهما

تجاهلت الفنانة شيرين عبد الوهاب ما تردد مؤخرا عن انفصالها وزوجها الفنان حسام حبيب، واكتفت بالإعلان عن حفلها المقام يوم 10 ديسمبر في أبو ظبي، وهو ما أثار الجدل حول مدى صحة وقوع الطلاق.

المفارقة هنا أن إعلان الإعلامية نضال الأحمدية عن طلاق شيرين عبد الوهاب وزوجها حسام حبيب، يأتي بعد خمسة أشهر فقط من أزمة التسجيل الصوتي لوالد الزوج، وتأكيده وقتها تدبير نجله مؤامرة للسيطرة على أموال زوجته.

المطربة شيرين عبد الوهاب، من جهتها حرصت في يونيو الماضي، مع تصاعد أزمة التسجيل الصوتي، على الدفاع عن حسام حبيب، وعبر مقاطع صوتية نشرتها على موقع تويتر ، قالت عن زوجها: من أنضف رجال الدنيا .

متربي وبيحبني

وقالت شيرين: عايزة أطمن كل الناس اللي بتحبني، كل الناس الكويسين، أني بخير، مفيش أي نوع من الخطورة عليا وعلى حياتي، بالنسبة للي حصل محتاج أني أرد عليه، ومش هينفع أرد عليه في كلمة أو اتنين، فاسمحوا لي أني أقولكم، حسام جوزي اللي أنا معاشراه، ده إنسان من أنضف رجال الدنيا، أنا معاشرة محترم ومتربي وبيحبنى أكتر من نفسه وما يستاهلش أبدا أبدا منكم كم القسوة دي، بس أنا عطاياكم العذر لأن أنتوا متعرفوش .

رجع لي الثقة

وعن تأثير الفنان حسام حبيب على حياتها، تحدثت شيرين عبد الوهاب، وقالت: بس عايزة أقول لكم إن الراجل ده، اللي ربنا حطه في طريقي في وقت كنت فيه متكسرة ومتدمرة، هو بنى لي شخصيتي، وخلاني بقيت بعرف أتكلم ورجعني لنفسي تاني، ورجع لي الثقة، حسام ربنا هو اللي باعته لي، وربنا مبيعملش حاجة وحشة .

والدته ست عظيمة





وعن والدة زوجها قالت: اللي ربت راجل أخلاقه عاملة كده، أكيد لازم تكون ست عظيمة، فحسام إنسان عظيم، وأمه ست عظيمة .

أنا كلي ملكه

شيرين عبد الوهاب آنذاك نفت تحكم زوجها حسام حبيب بحساباتها المالية، وعلقت: مفيش توكيلات باسمه، والفيَز والكريدت كارد بتاعتي مش معاه، وكل الكلام ده مش مظبوط، لأني أنا كلي كده بتاعته إحنا بقالنا بالوقت 4 سنين متجوزين، لو كان فعلاً راجل عايز يستفيد مني كان عمل حتى غنوة سينجل لنفسه .

أحس معاه بالأمان

وقالت شيرين عبد الوهاب في شهادتها عن زوجها: الراجل ده صايني وصاين عيالي، كل الناس بتتخانق وإيه يعني؟ كل الناس بتختلف لكن هو بيحبني أكتر من نفسه، و لازم الناس تفهم كده بالعقل، يا جماعة أنا ربنا مديني مؤشر وقلب أنا حاسة أنه بيحبني وحاسة معاه بالأمان .

طلع كل الثعابين من حياتي

واختتمت شيرين عبد الوهاب قائلة: حسام مضرنيش لا حسام فادني، وطلع من حياتي كل الناس اللي كانت بتستغلني بجد، طلعهم، كل الثعابين اللي كانت في حياتي وكل الحاجات الفاسدة .

جدل الطلاق

وأثارت الإعلامية اللبنانية نضال الأحمدية، حالة من الجدل خلال الساعات الماضية، عقب إعلانها طلاق الفنانة شيرين عبد الوهاب من زوجها الفنان حسام حبيب، حسبما زعمت، وكتبت عبر حسابها على تويتر : كل المعلومات عن طلاقات سابقة كانت كاذبة الطلاق وقع اليوم ، وأعادت الأحمدية نشر خبر الطلاق وكتبت: شيرين طلقت حسام حبيب .

وفي فيديو آخر نشرته عبر حسابها بموقع إنستجرام ؛ أكدت نضال الأحمدية أن شيرين عبد الوهاب انفصلت عن زوجها حسام حبيب. (التفاصيل من هنا)

وحتى الآن لم تعلق الفنانة شيرين عبد الوهاب على أنباء انفصالها عن حسام حبيب.

هذا الخبر منقول من : مصراوى




كتب بواسطة emil
احصل عليه من Google Play تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play