بعد الفيديو المسئ للشرطه ريم العدل أحمد فعلا ولد متربي و محترم
وكتبت العدل، على صفحتها الرسمية بموقع التواصل الإجتماعى "فيسبوك": "أيوه انا اللي مع أحمد مالك في صورته في المستشفي ده شيئ يشرفني علاقتي بأحمد مالك مش مجرد واحد اشتغلت معاه أحمد لما كان بيحصله أي مشكله كانت الناس تكلمني تقول لي ابنك حصله كذه وكذه كنت دائمًا بقول له يا رب ربنا يرزقني بولد يطّلع زيك في أدبك وفي أخلاقك وإلتزامك وحبك للبلد دي لو قعدت أحكي عن مواقف مالك، مش هتخلص بس انا قررت احكلكوا اللي حصل يوم الصورة اللي بتسألوا عليها".
وأضافت قائلة: "كنت في المستشفي مع أحمد حرارة لما راحت عينه التانية جالي تليفون يقولولي ابنك العساكر ضربوه علي دماغه وعنده ارتجاج في المخ وفي المستشفي جريت علي المستشفي عشان أطمن عليه وأول ما فاق قال لي جملتين مش هنساهم".
وتابعت كلامها قائلة: "بصي يا ريم المستشفي اللي جايبني فيها بصي نضيفة إزاي.! ده أنا كل اللي أخدته ضرب علي دماغي في ناس مصابين أكتر مني بكتير مرميين على الأرض في القصر العيني جيت أدخل الحمام قالولي لأ ده حمام العمال تعالي أدخل الحمام النضيف هو يا ريم حتي دي فيها عمال وناس تانية هم مش العمال دول بني أدمين".
وأنهت كلامها قائلة: "أحمد ساعتها كان عمره ١٥ سنه كان فاكر إن بعد ما نزل وثار واتضرب ومات أصحابه قدّامه واتصاب الباقي هيلاقي الدنيا بقت أحسن والعمال زي بقيت الناس وكلهم من حقهم يتعالجه في مستشفيات نضيفة علي سراير مش علي الارض بعد ٥ سنين مالقاش حاجة حصلت وكل أحلامه ببلد أحسن راحت عايزين سلوكه يبقي عامل إزاي.!! قلة أدب إيه اللي يتكلموه عليها.! ومع ذلك عشان أحمد فعلا ولد متربي ومحترم لما حس أنه غلط طلع واعتذر مش مرة لأ ٤ مرات بس انتوا مستخسرين حتي تقبلوا اعتذاره عايزين تدمروا مستقبله مش هترتاحه غير لما تعدموه في ميدان عام.! والله حرام".
شاهد المحتوى الأصلي علي بوابة الفجر الاليكترونية "