بحبها سنتين وتقولي أنت عايز ترافقني ..؟ اسيبها رغم إني متزوج ؟

خاص لموقع الحق والضلال

كتبت : نورهان عبدالله

انا شاب 35 سنه متزوج من 9 سنين ولدي اولاد واحب زوجتي جدا طول عمري وحتي فترة المراهقة لم احب البنات اطلاقا وكل تعاملاتي معهم كانت بشكل رسمي تماما رغم علاقاتي المتعددة كاصدقاء في حدود ضيقة جدا تزوجت لانني اعلم انه يجب ان اتزوج ان اجلا او عاجلا بسبب ضغط الاسرة وخصوصا انني من اسرة رجال اعمال وتجار والحالة المادية ميسورة والحمد لله طوال 7 سنين زواج لم تحدث مشكلة واحدة بيني وبين زوجتي بل ولم يحدث ان ارتفع صوتي او صوتها في بيتنا قط طوال هذه المدة في بداية شهر اكتوبر 2012 تقابلت مع فتاه تصغرني ب 7 اعوام وهي في مثل عمر زوجتي وكانت تعمل في مبيعات التامين وقابلتها تحت الحاح منها لعرض التامين علي حتي تقابلنا في كافيه بمدينة نصر ومنذ اللحظة الاولي عاملتها بشكل رسمي كالمعتاد فقابلتها علي مسافة من الكافيه ومشيت امامها حتي الكافيه وجلسنا وبدات تحدثني عن التامين الذي ارفضه لمدة عشر دقائق فقط ثم استكملنا 5 ساعات وهي تتحدث عن مشكلتها الشخصية مع والدها واخيها وامها وصاحبها وكعادتي ان احل المشاكل للاخرين استمعت لها بامعان وقلت لها ارائي فيما يخص ما حكته لي وللعلم فانها لم تلفت انتباهي اطلاقا كانثي ولكن لفتت انتباهي انها اعلي مستوي اجتماعي ومادي من ان تكون مندوبة تامين ولكنها ليست من الشكل المفضل لدي في النساء فهي قمحاوية وانا افضل البيضاء ودون الخوض في تفاصيل فهي ليست من نوعيتي المفضلة اطلاقا بل انها كانت من النوعيات التي لا اراها اصلا المهم اننا حينما انتهينا كان شيئا لم يكن ولم اطلب منها رقمها الشخصي ونسيتها تماما ولكن بعد 22 يوم فوجئت باتصال من رقم غريب وكانت هي مرة اخري تريد ان تقابلني وقابلتها وتكررت اللقاءات والمكالمات الهاتفية بيننا والتي كانت تصل في بعض الاحيان الي 8 ساعات في اليوم وكانت هي من تتكلم وليس انا وكنت متعاطفا معها جدا بصراحة رغم انها كانت زنانة جدا ورغاية جدا جدا وبتعيد الموضوع اكتر من عشرين مرة بدون مبالغة وكل مره بتحكي كانها اول مرة وبالتفاصيل وانا مابعلقش اطلاقا وباسمعوكانها اول مرة فعلا… المهم ان انا الفترة دي كنت قاعد مافيش شغل عندي بسبب نكسة يناير وفي نفس الوقت مراتي نزلت شغل وطبعا بالنسبة لاي رجل معتاد انه يشتغل ويفرك 18 ساعة يوميا علي الاقل وينزل ويرجع وقت ما هو عايز لك ان تتخيل حالته النفسية لما يلاقي نفسه قاعد ومراته هي اللي بتشتغل وهو قاعد بالعيال ومايعرفش ينزل غير لما مراته ترجع من الشغل وطبعا بتنام 11 وانا طبعا مابنامش قبل 6 صباحا وفي نفس الوقت البنت التانية هي اللي شغلالي وقتي مش مشكلة انه بمشاكلها انما ملات الفراغ ومع الاحباط النفسي لقيت نفسي بتشد لها فحاولت اعمل مشاكل علشان اقطع ولكن للاسف كنا بنتصالح بسرعة لغاية مالقيت نفسي بدات احبها وفكرت كتير اوي ولقيت ان الحل اني اعرض عليها الجواز فترفض فاقطع وخلاص وقد كان فعلا ولكن بعدهاا ب 26 يوم كلمتني ودخلت بكلام اهبل عن شغلها وانا ماقدرتش اقاوم بصراحة المشكلة ان انا بعد ما كنت قطعت معاها اعترفت لمراتي بكل حاجة والكارثة ان مراتي بعدها بدات تفتش في حاجتي ولقت تقريبا تفاصيل الحياه بيننا لاني معتاد علي تسجيل كل الاحداث بالتفاصيل مع احتفاظي بجميع الرسايل والمخادثات وطبعا مراتي تاكدت اني باحبها بل اني باعشقها من طريقتي معاها وده دخلني في منحني خطير في البيت اني بدات اعتاد اني دائم الخلاف مع مراتي شبه يوميا بسبب الموضوع ده رغم ان انا بحاول اتفادي وامتص مراتي جدا لاني عارف انها معاها حق طبعا . بالنسبة للبنت انا حاولت اكتر من مرة وقعدت مع نفسي كتير اوي وحللتها تماما هي متحررة فعلا ولكن قولا معتقدة انها العكس تماما ، في علاقتها مع صديقها اللي كان عامل معاها المشاكل ومدمر لها حياتها حصل بينهم حاجه وهي اللي قالت بنفسها، شخصية عنيدة متمردة عصبية جدا حتي علي والدتها بتعاملها بشكل سيء جدا وبتتكلم علي ابوها وخاوها بشكل يثير الاشمئزاز رغم انها معاها حق وهم فعلا مقصرين في التعامل معها جدا لكنها سليطة اللسان بشكل عالي جدا والكارثة انها بتتريق وتتهكم علي ناس كتير في افعال هي نفسها اكتر واحده بتعملها متعددة المعارف بالرجال بشكل صعب اوي المهم ان انا فعلا مالقتش فيها حاجه واحده تعجبني او باحبها لكن الصعب اوي اني واقع في حبها بشكل عجيب لدرجة اني مابافكرش غير فيها طول وقتي وهي في دماغي واودام عينيا باحبها فعلا وبابررلها كل اخطائها وحاسس بيها وعايش تقريبا علشان اخليها مبسوطه وبرده مش عارف عن تعاملاتي معاها انا سند وحيطة خرسانية بالنسبة لها سواء ماديا او معنويا او خدميا في كل حاجه انا كنت باخرج معاها مش اقل من تلت مرات اسبوعيا اقل مرة فيهم باصرف فيها 600 جم ولو طلبت تشتري اي حااجه باجبهالها فورا و فواتير الموبايل بتاعها كنت بادفعها ولو مرتبها اتاخر او ماعهاش قلوس كنت باديها حتي لو انا نفسي مش معايا كنت باستلف واديها هي بصراحة ماكانتش بتطلب حاجة غير اربع او خمس مرات بس انا مش هاستني حبيبتي تطلب اصلا ولا هاستناها تحتاج لانها كانت بتصرف علي والدتها المنفصلة من والدها وده كان له عندي تقييم عالي جدا بس كنت باتقطع من جوايا بسكاكين اني ابقي شاريلها فستان هاتروح به فرح مع ناس غيري او اني اديها فلوس علشان تعرف تخرج مع رجل تاني كل ده من غير مانطق طبعا وهي كانت جاحده في النقطة دي بصراحة كانت تقول انا كاباطلبش حاجه من حد وماحدش له عندي حاجه وبتتعامل معايا بشكل زبالة رغم ان مافيش حد في حياتي كلها فعلا سمحت له انه يتعامل معايا بعشر المعاملة ظي لاني باقطع فورا حتي لو هاخسر اي شيء بس مستحسل اسمح لحد بده وسامحلها به طول الوقت بدات اتعب من كتمان حبي لها وبدات اقول وقوبلت باننا اخوات واصحاب وبس واناه مش شايفاني ولا هاتشوفني لو بعد 100 سنة غير كده اضافة انها بتاخد كل افعالي بسوء نية بشع وتعترف بافضال ورجولة الناس كلها معاها حتي الاوساخ ماعدا انا والمدهش ان انا مستحمل وبابررلها وفعلا من جوايا والله وهي في قمة عصبيتها بيبقي نفسي احضنها جوايا واطبطب عليها ونفسي تفرح ، بابقي لسه عانلها خدمة وهي تشكر اودامي في رجل تاني انه عمل حاجه عبيطة وتتنرفز عليا لاي سبب تافه وتهيني وتقول لي افكني منها وانها زهقت من النكد بتاعي انا وان انا اللي لازق فيها وقارفها وكلام اسوا من كده بكتير وصل لدرجة انها تخيلت ان انا عايز ارافقها رغم اني ممكن اكون صرفت 100 الف جم بدون مبالغة في سنتين وهي شكلا مش من نوعي المفضل فاعتقد ان انا كنت بالفلوس دي ارافق اللي تعجبني وتبقي تحت امري كماان بس انا ماليش في كده انا فعلا عايز اتجوزها زواج كامل شرعي واتكفلزبها وبوالدتها كمان لان الست دي غلبانه جدا وانا فعلا باحبها احنا علي طول تقريبا في مشاكل وسوء فهم منها فظيع وفي الاغلب انا اللي باصالحها علي طول انما اخر مرة دي لما اهانتني وقالتلي مش عايزة اسمع بحبك دي تاني وهددتني انها تبعد عني وقالت موضوع اني عايز ارافقها ده والموضوع عدي وتاني يوم زورتلها حاجه مهمة جدا لها واتفشخت متابعة لاني خارج القاهرة لغاية ماتعمل وبعتلها كمان لغاية عندها وبعدين قعدت تزعق في التليفون انه مش عاجبها وبرده استحملت وعديتها ويومها بالليل بنتكلم تكنسل في وسط المكالمة وتبعتلي استناها 10 دقايق وبعدها تتصل بيا بعدها ب 55 دقيقة طيب ليه بتعمل كده ؟ مين اللي اهم مني انها تقفل معايا وتكلمه او تكلمها وبعدين تكلمني ؟ طيب لو كده كلمتني ليه اصلا !!! انا باتعذب بجد بخاف ابعتلها تكون مع حد واحرجها رغم اني باكون هاموت واطمن عليها نفسي تكون معايا علي طول ومابعملش كده علشان ماتتخنقش انا مش عارف انا بقيت كده ازاي وقبلت ده كله ازاي !! مش عارف اللي هي بتعمله ده تنطيط وللا رد فعل انها بتحبني بس مش عايزة تهد بيتي او انها تبقي زوجة تانية بس بتخبي فده رد فعل عكسي علشان ابعد عنها !!! بجد بقيت باحتقر نفسي جدا ومش عارف اعمل ايه ؟؟ بجد باحبها اوي وباموت فيها ومش عارف اعمل ايه…. وبرده باحب مراتي جدا ومش عايز ازعلها ومش قادر افرحها … انا خاسس اني كاره الدنيا ومش عارف اعمل حاجه في حياتي غير اني بافكر في الموضوع ده وبس وهي شايفة ان انا اللي ظالمها ومبوظ لها حياتها رغم انه اقسم بالله اللي حاكيته ده مايجيش ربع اللي عملته معاها واللي استحملته منها