تجربه للاسف سلبيه ومؤلمه وتحذير لكل البنات

مواضيع عامه
دى تجربه وحاله حقيقه ترويه فتاه وهذا ما حدث معها الموضوع دا بقى مصيبة فعلا وبنات كتيرك اتعرضت للموضوع ده .
تجربه للاسف سلبيه ومؤلمه وتحذير لكل البنات
الموضوع بدا معايا انى كنت عاوزه حقن تخسيس دخلت جروب ع النت لقيته بيبيع حقن تخسيس واللى مسكينه دكاتره ولقيت رفيوهات عن تقشير الجلد فكلمت البنت اسمها ساره وطلبت اوردر قالتلتلى فى نوعين تقشير واحد غالى وواحد ارخص قلتلها هاخد الغالى وطلبت الحقن الحقن ب 550 والتقشير 180 وطبعا طمنتنى جدا من نحيه الحقن وقالتلى هتتاخد عضل والتقشير هتحطيه 3 مرات لمده 3 ايام وبعدين هتسبيه وهيقشر قلتلها طب انا كان عندى نحيه تحت الرقبه بشويه خط قديم كده مكان شبه كنت حطيتها وانا جلدى حساس علمت خط بنى كده احط تقشير عليها ولا المنطقه دى حساسه قالتلى لا ده هو تركيزه خفيف ومعمول للمناطق الحساسه قلتلها احطه 3 مرات برضه قالتلى اه كله نفس الفكره وقالتلى حطى ف المناطق الحساسه وعلى وشك عادى .وفعلا جالى الاوردر وبعتتلى معاه شريط كده هديه دوا تخسيس وحطيت اندر ارم وبين الصدر وكنت بتابع معاها لحظه بلحظه ع التليفون وضافتنى ع الفيس برضه قالتلى حطى بانثينول قلتلها وعندى سودو كريم احطه قالتلى اه حطيه وتابعت معاها وبعد 3 ايام كانت المفاجأه انى اتحرقت حرق جامد جدااا من عند breastوالاندر ارم قششر وطلع اغمق من الاول بكتيييير ولونه اسود . ده الشق الاول الشق التانى انى بكل ثقه بدى لبابا الحقنه ( انا ببايا دكتور بس نساء ) والسرنجه يديهالى عضل بابا قرا عليها لقاها حقنه للجلد ومكتوب ع الامبول الازاز نفسه دونت انجكت يعنى لا تحقن بابا هزأنى وقالى رجعيها طبعا بعتتلها وقلتلها قالتلى ده مش الشكل النهائى للحرق وحطى فيوسيكورت وميبو قلتلها هو انا اتحرقت قالتلى لا متخافيش وخير بدا الوضع يسووء جدا والالم من الحرق غير محتمل ونفسيا اتدمرت كلمتها فون قالتلى متقلقيش وبالنسبه للحقن دى مكتوب عليها كده عشان الجمارك بس خديها عضل وكانت مصرره وبتحلفلى ان هى خدتها قلتلها لا انا عاوزه ارجعها قالتلى هرجعهالك ومتقلقيش قلتلها طب والشريط الهديه هرجعهولك معاها لانه مش لازمنى اصلا بطلت اخد ادويه اصلا .قالتلى لا ده هديه وخدى منه عادى ده اصلا سامبل يعنى عينه ومترجعهوش.وده جميل ولازم تجربيهبدات الحاله تسوووووء اكتر كلمتها بدات متردش واما كلمتها مسنجر قلتلها ارجوكى انت الوحيده اللى عارفه التركيبه فيها ايه لو ف علاج حتى لو ب 1000 ج قوليه اجيبه راحت كتبالى خدى كلمى دكتوره ربهام زميلتى ورقمها اهو وراحت البنت اللى اسمها ساره عملتلى بلوك ع المسنجر كلمت صحبتها ريهام اللى ادمن معاها ع الجروب قلتلها انا فلانه اللى اتحرقت من التقشير قاالتلى اااه بصى مبدأيا المنطقه دى مبيتحطش عليها قلتلها صحبتك قالتلى كده قلتلى لا محصلش قلتلها والله قالتلى حطى قالتلى وايه بنثينوول وسودو كريم اللى بتحطيهم دول دول يزودوا الحاله مش يخففوا قلتلها صحبتك اللى قيلالى المهم قعدت تحااول تطلعنى غلطانه باى شكل وكل م تقولى حاجه اقولها لا معملتهاش المهم قلتلها انتى عاوزه تطلعينى غلطانه وخلاص ما علينا مين غلطان انا عاوزه حل انا تعبانه نفسيا وجسديا وعمااله اعيط ليل نهار وعندى امتحانات قالتلى انتى بتزعقى ليه اتكلمى بادب واتكلمى كويس ومتعليش صوتك قلتلها انا معلتش صوتى والله وبتكلم عادى انا عاوزه اعرف هل ده هيسيب اثر ملوون كده قالتلى اه بكل بساطه

😏 طبعا انا سمعت ااه هيعلم وانهرت من العياط قالتلى انتى بتعيطى ليه طب خلاص انا هبعتلك كريمات تقشيريه خفيفه خالص ع الجلد تعالجك من اللى حصل هديه منى .وان هى عملت كده لنفسها وعمل لون بنى وعالجت نفسها بالكريمات دى قلتلها طب والحقن قالتلى هو انا مبرجعش حاجه لحد بس عشان انتى نفسيا مش متقبله نفسيا وعشان الضرر اللى حصلك هرجعهالك وابعتلك حجات تقشير تانى خفيفه خالص قلتلها وهتحرق تانى قالتلى لا ده مبيحرقش ده خفيف المهم كلمتنى بعدها بكام يوم ع الواتس قالتلى المندوب هيجيلك يوم الاربع هيديكى 495 ج عشان الشحن هيتخصم منك وابعتى الشريط الهديه معاه قلتلها تمام المندوب اتاخر يوم الاربع كلمت شركه الشحن قالى لا لسه مشحنتش قلتله تمام هستناك الخميس او الجمعه لقيتها بتتصل بيا ومتعصبه انتى اتصلتى بشركه الشحن قلتلها اه قالتلى بزعيق انا مش نصابه انا لو عاوزه انصب عليكى او مرجعهاش هقولك مش هرجعها قلتلها وانا عملت ايه انا كلمت المندوب اساله انت جى ولا لأ قالتلى لو عوزاه يجيلك دلوقتى من غير الحجات العلاجيه مفيش مشكله انا الحق عليااا انى عوزه ابعتلك حجات علاجيه وهديها للشحن بكره قلتلها انا مش فارق معايا قالتلى خلاص براحتك .بس برضه هيجيلك بكره او بعده قلتلها انت بتهددينى لييه انتى اللى المفروض تقوليلى لو سمحتى عاوزه اعالجك عشان ترضى ربنا بعد اللى عملتيه فيا انا مش هتحايل عليكى وعماله تزعقيلى وبتحاولى تطلعينى غلطانه قالتلى م انا بتابع معاكى كان ممكن معملش كل ده هو انا خايفه منك !! قلتلها بس ربنا موجوود ومهما عملتى مش هتهربى منه . قلتلها بهدوء مش انتى متفقه معايا هتبعتى الحجات يوم الاربع قالتلى اه والمندوب خلف وانا كل حركه بقا هعملها هبلغهالك قلتلها ما هو انا مش فاضيه 24 ساعه ومستنيه المندوب لازم تبلغينى . وبعدين مش انتى دكتوره جلديه وليزر قالتلى اه قلتاها انا خلصت امتحانات وهجيلك العياده تعالجينى قالتلى لا اصل انا تجميل قلتلها ماشى اجيلك برضه قاالتلى لا اصل انا صيدلانية ومعايا دبلومه تجميل وهنا كانت الصدمه يعنى هى مش دكتوره اصلا وعماله تعك وتبيع تركيبات للناس . قلتلها طب رشحيلى حد تبعك تجميل ارووحله . قالتلى ان اللى انا فيه مش محتاج تجميل ولا ليزر وان كل ده هيرووح ومقلقش ومش محتاج دكتور ولا حاجه . المهم المندوب جالى النهارده وادانى الفلوس ال 495 ج وجابلى ازازتين تااانى مجهولين الهويه تركيبات هى عملاهم مش علاج ولا حاجه ورجعتلها الحقن والشريط الهديه بس كنت خدت منه طبعا بس رجعتهولها لانه ميلزمنيش ومكنتش عوزاه اصلا لحد كده انا بحكى بس القصه دلوقتى هقولكوا اللى انا وصلتله
رحت لدكتور جراحه وتجميل قالى فى فعلا تقشير جلد اللى الممثلات والمشاهير بيعملوه بس دى كريمات من شركات عالميه كبيره بيبدا سعرها من 5000 و 6000 فيما فوق فالناس دى بيعملو تركيبه تحت السلم شويه حمض سالسليك على احماض تانيه بتاكل الجلد ويبيعوه ويضحكوا عليكوا ويقولوا ده تقشير بس طبعا ده مش التقشير ده حاجه بتاكل الجلد واحمدى ربنا ان انتى جلدك حساس والتهب من الاول عشان كده الحرق فوق بس لو كان جلدك اتحمل شويه كان الحرق بقا اعمق وقالى ان كان عنده بنت من اسبوع جيبه من ع النت وحطاه ع وشها ووشههااا اتحرق كله وحالتها اصعب بكتير قلتله طب وانا يادكتور حالتى ايه كتبلى كريمات حروق ومضاد حيوى ومضاد حساسيه وقالى انى للاسف هتحوول لجلسات ليزر عشان الاثر يروح ف القاهره وانا مش من القاهره يعنى هسافر كل جلسه قلتله طب وبالنسبه للاندر ارم لانه اسوووود جداااا عن الاول قالى نفس القصه هتاخدى ليزر برضه وللاسف العلاج بياخد شهوور . وبالنسبه للحقن انا مقتنعتش ان شركه كبيره ف اسبانيا هتغير مخصووص ع العلبه والامبولات بتاعتها عشان جمارك مصر فبعتت لايميل الشركه ف اسبانيا وكان الرد ان المنتج ده مش من عندنا وان المنتج ده لا يحقن طبعا سالت المختصين هو انا لو كنت خدت حقنه مش للعضل ف العضل كان ايه يحصل قالولى هتكلكع وتعمل خراج وممكن توصل لغرغرينا ف العضله يعنى رجلى كلهااااا كانت هتروووح عشان واحده مصررره تبيعلى حقنه جلد على انها عضل وفي جروب دكاتره مشهور واحده كانت حاطه عليه نفس الحقنه وبتقول حد قالها تاخدها عضل وكان رد الدكاتره عضل ايه دى حقنه جلد طبعا .طبعا حطالكم صور الحرق وحطالكم كل الاسكرين شوت اللى قالت فيها حطى من المحلول ع جسمك وصور المحاليل مجهوله الهويه وصور وصلات شركه الشحن واسكرين ليهم هما الاتنين وهما بيقولو الحقنه دى تتاخد ف العضل وروشته الدكتور وتحويلى لمركز علاج ليزر واسكرين لجروب الاطباء وهما بيقولو دى حقنه عضل واسكرين لايميلات الشركه ف اسبانيا وصور العلاجات اللى اشترتها لحد دلوقتى ولسه طبعا هشترى تانى واسكرين للجروب بتاع البنات دى واكونتاتهم واسكرين للبنت انها عملتلى بلوك للمسنجر وكل الادله على اللى حصلى هبعتها . انا عاوزه اقول حاجه عارفه ان كتير منكم هيلومنى بس انا كنت بجرى ورا حلم التخسيس ومكنتش شايفه غير ان التقشير ده سحر هو والحقن وهبقى تحفه ف الفستان عارفه انى غبيه انى جبت حاجه من ع النت ووثقت ف حد معرفوش بس ارجووكوااا انا مش محتاجه غير دعائكم ربنا يشفينى مش محتاجه اسمع منكم تأنيب خاالص . تانى حاجه انا نزلت ليكم تحذير عشان محدش يعمل كده ف نفسه تانى واى حد يعرفهم او عندهم ع الجروب يعمل بان فورا ويحذر الناس اللى تعرفهم انهم يشتروا حاجه بالمنظر ده من ع النت . انا بحمد ربنا انى مسمعتش كلامها وحطيته ف حتت تانيه او على وشى وده درس وانا اتعلمته واتمنى منكم انتوا كمان متعملوش كده ونزلت التحذير ده عشان البنات متتاذيش.اااخر حاجه لو هما شيفين كلامى او حد يعرفهم يبلغهم انهم اذوا انسانه نفسيا وجسديا جدا وان انا بحسبن عليهم من كللللل قلبى كل يوم ف صلاه الفجر وكل ثانيه ولحظه حسبى الله ونعم الوكيل فاللى فكرين الناس تجارب حسبى الله ونعم الوكيل فوضتك ووكلتك ياااا رب تاخدلى حقى منهم ربنا مبيرضااش بالظلم ابدا وكلتك يا رب تقتصلى منهم .
اللينك اهو بتاع جروبهم عشان عماله كل شويه تغير الاسم اللينك اهو
www.facebook.com/groups/229400540808431/