تعليق خالد منتصر على نكته القرن وتسجيل طفلة مسيحية في شهادة الميلاد!!مسلمه ورساله لموظف الصحه

مواضيع عامه
قام احد موظفى الصحه بتسجيل طفله مسيحيه بانها مسلمه الديانه هى واسرتها وهنا تعليق خالد منتصر على تسجيل طفلة مسيحية في شهادة الميلاد!!مسلمه ورساله لموظف الصحه
((نكتة القرن موظف السجل المدني عايز يخش الجنة ويغسل ذنوبه ويجتهد في سبيل الله ممكن يقبل الرشوة آه مافيش مشكلة لكن قلب الراجل الرهيف وضميره المؤمن بالفطرة لايقبل أن يسجل طفلة مسيحية في شهادة الميلاد!!، فبيدخلها الاسلام بختم النسر ويخششها الجنة بتوقيع مكتب الصحة !، انت عايز تخش الجنة ياسيدي انت حر مش لازم تسحب حد في ايدك انت ملزم بطائرك في عنقك مش بأعناق الآخرين وشهادات ميلادهم !، الموظف طمعان في قيراط زيادة في الجنة وعشر حوريات فوق البيعة فراح ضارب الورقة دي وغير الديانة !، نفسي أفهم وسواس هداية الآخرين اللي نزل ع المصريين ده تملك منهم امتي وتلبس جتتهم في أنهي زمن ؟، وبعدين خانة الديانة دي أصلاً مالهاش لازمه نهائي لا في بطاقة ولا شهادة ميلاد ، هو الطفل حيعمل عمره في السبوع ولا ايه ؟!، فلازم نعرف ان كان مسلم ولا بوذي؟! انها الكوميديا السوداء والداعشية المجانية
وكانت التعليقات عليه كالاتى
Romany Shekman انا شفت علي النت شهادة وفاة قس مكتوب في خانة الديانة مسلم.
Nabil Rezk قبل مسافر بره كانت كل البطاقات الورقية تكتب فيها مسلم وكنا بندوخ السبع دوخات علشان نصلحها ، هي دي مصر
Tensor Minas و لماذا من الاساس يكتب الدين في شهادة الميلاد او حتى اي وثائق رسمية و لماذا لا يكتبون ان كان زملكاوي او اهلاوي و ان كان بيحب اللون الاصفر او الاحمر ما هي علاقة الدولة ككيان اعتباري بمعتقدات و اديان و نوادي و اكلات الناس؟
والكثير والكثير من الردود والتى اثبت انها ليس المره الاولى التى تحدث فما تعليقكم انتم