معجزة جميلة للقديسة فيلومينا مع احد الاشخاص بعد يأسه من ايجاد فرصة عمل وعند تشفعه بالقديسة حدثت المعجزة فورآ
*فيلومينا!!!!؟
انا مكنتش اعرفها وكان بقالى كتير بدور على شغل ومش لاقى .ويوم 11 يناير ولدتى قالتلى تعرف القديسه فيلو مينا انا بصراحه مهتمتش بسؤالها قولتلها انا عايز انام قالتلى شفعتها تكون معانا
صحيت الصبح لقيت حد صاحبى كلمنى قالى تعالى انت عندك انترفيو الغريب انى رحت الانترفيو لقيت صاحبتى اللى جبتلى الشغل بتدينى صورة القديسه فيلومينا وبتقولى خليها معاك حسيت انها فعلا واقفه معايا وندرت انى هجيب قصتها واوزعها على خدام كليه تجارة انا من اسرة بولس الرسول كليه تجارة اسقفيه الشباب
*الشهيدة فيلومينا و الشهيدة اجنس
اشكر ربنا والشهيدة فيلومينا والشهيدة أجنس اللي عرفتها عن طريق البيدج بتاعتكم
كانت بنتي عمرها شهرين عمالة تصرخ وتبكي بشدة من غير سبب واضح وماكنتش عارفة أعملها ايه وكنا خايفين عليها ومانمتش طول النهار وفي اليل الساعة 4 فجرا ندهت علي الشهيدة فيلومينا والشهيدة أجنس بشدة وعاتبتهم انهم مش سامعني وقولتلهم اني زعلانة وصدقوني بعدها البنت نامت بهدوء كأن حد نيمها
بركة صلواتهم وشفاعتهم فلتكن مع اسرتي دائمآ
*سريعة الندهه
انا عايزة اشكر القديسة فيلومينا لأنها بجد سريعة الندهة ماما تعبت اووى امبارح عندها السكر والكبد تعبان والضغط والدكتور اللى بيتابعها الحجز بتاعو ب 3 شهور والمتابعة نفس النظام تعبت اوى امبارح معدتها بتئلمها بشكل غير عادى ومش أى دوا ينفع تاخدو عشان حالتها وكنت قلقانة اووى عليها فضلت اقول ياقديسة فيلومينا كتييييييير وشغلت التمجيد بتاعها والحمدلله الألم هدى شوية بشكر ربنا يسوع المسيح واشكر القديسة فيلومينا بركتك معانا ياسريعة الندهة