مواضيع عامهخاص لموقع الحق والضلال. كان في مقابله مع الدكتور الانجليزي احد الأطباء المعالجين لسيدنا لاحظ الدكتور ان سيدنا عنده نهجان ويبذل مجهود وهو بيتكلم فطلب عمل رسم قلب بجهاز دقيق جدا يكشف لو فيه عدم انتظام في ضربات القلب بالفعل عمل سيدنا الموضوع ده وتبين ان سيدنا يحتاج الي تركيب جهازه بالقلب لتنظيم ضربات القلب و بالفعل تمت عمليه القسطرة وتركيب جهاز لتنظيم ضربات القلب و ذلك يوم الخميس ١٢ مايو و قبل العمليه طلب الدكتور ميشيل حنين وهو الطبيب المعالج لسيدنا من الدكتور الذي يجري العمليه انه يفحص شرايين القلب وكانت المفاجئة ان اربع شرايين مسدودة بنسبه ٩٠ ٪ ومنهم واحد مسدود بنسبه ٩٥٪ وتعجب الطبيب كيف يستطيع سيدنا اداء مهامه و حياته بهذه النسبه البسيطه من نشاط القلب بسبب انسداد الشرايين. ولم يكتشف احد هذا من قبل ولكن أراد الله معرفه هذا الامر و بالفعل تم عمل عمليه كبيره لسيدنا يوم الأربعاء ١٨ مايو و هو الان بصحه جيده جدا ونحن لاحظنا هذا علي سيدنا في الكلام و في الحركه و هو ايضا يشعر بتحسن شديد بعد العمليه. نشكر الله علي محبته وعلي تدبير كل الامور لمجد اسمه. سيدنا بركه كبيره هو خدم ربنا طول حياته و ايضا ربنا ديما معاه. ربنا يكمل شفائه ويعود الي كنيسته و شعبه بألف سلامه. الواحد بجد فرحان جدا ان ربنا أعطاني فرصه ان أكون قريب من سيدنا في وقت تعبه و أعاين مجد ربنا معاه وشوفت سيدنا في أشد الظروف وهو بيشكر و يبارك ربنا. سيدنا أنبا باخوميوس ده قدوه لكل إنسان يراه ويتعامل معه. ده مدرسه وتاريخ عظيم و اسم أعظم و أب. ربنا يخليه للكنيسه كلها. عندما اري محبة الناس الشديده ليه في كل مكان يذهب اليه اتعجب ولكن هذا ليس من فراغ هو ثمر التعب و الخدمه و الصلوات التي لم يكف عنها أبدا ولأنه زرع بالدموع الان يحصد بابتهاج يحصد حب ربنا ليه و سنده و حب أولاده من كل مكان خدم فيه. ربنا ينفعنا بصلواته. أمين
