مواضيع عامهخاص لموقع الحق والضلالنشرت صفحة الدكتوره مروه علي الفيسبوك قائمه بالاطعمه التي تساهم في زيادة وزن الرضع مما يعانون من نقص الوزنوجاء المنشور كالتالي١-الموز ممكن نبدأه من الشهر السادس و بيعتبر مصدر غني بالطاقة و بالألياف و الكربوهيدرات و فيتامين C و فيتامين B6هنقدمه في الأول مهروس و متخفف بلبن الأُم او لبن صناعي و بعد كده ممكن ندخله في بودينج أو كيك أو عصائر ٢-الشوفان ممكن نبدأه من الشهر السادس و يعتبر وجبةإفطار هايلة و قيمة بتساعد على زيادة الوزن و بتعالج الإمساك .كمان الشوفان غني بالحديد والثيامين و الزنك و الفسفور.بنقدمه الأول زي بيوريه متخفف بعد كده ممكن ندخله في وصفات الكيك والبسكويت ٣- البطاطس و البطاطا بنبداها في السادس و كمان ممكن بدري عن السادس لإنها من اسهل الوجبات في الهضم و أقلها تسبباً في الحساسية دا غير قيمتها الغذائية العالية.٤- الزبادي السادة كامل الدسم :-ممكن نقدمه بعد الشهر الثامن و يعتبر وجبة غنية بالدهون و المعادن و الكالسيوم.و بالإضافة لإنه بيزود الوزن كمان بيقوي مناعة الطفل و نقدر نستخدمه أثناء النزلات المعوية لإنه سهل الهضم .٥- العدس و العدس بجبة (الأسود):-ممكن نقدمهم من الشهر الثامن ويعتبروا من الوجبات سهلة الهضم و اللي بتزود الوزن و غنية بالحديد والكالسيوم و البروتين والالياف و فيتامينات B١و B2.ممكن نقدمهم في الأول مسلوقين و مهروسين -كل نوع لوحده- و ممكن بعد كده نسلقهم مع انواع مختلفة من الخضار زي البطاطس و الطماطم و الجزر و نهرسهم بعد السنة ممكن نقدملهم شوربة العدس بتاعتنا و كشري العدس و الكشري المصري ٦-الزبدة و السمن البلدي :-ممكن نقدمها من الشهر الثامن و مسموحلنا بمعلقه صغيرة يوميا ممكن نضيفها على البيوريه او شوربة الخضار أو أي اكل هتقدمي للبيبي و طبعاً الكمية بتزيد بعد كده.ليهم قيمة غذائية عالية و من أكتر الحاجات اللي بتزود الوزن لأحتوائهم على نسبة عالية من الدهون.٧-بيوريه التفاح و بيوريه الكمثرى و بيوريه الخوخ ممكن نقدمهم للأطفال ناقصي الوزن من بعد الشهر السادس بدون إضافة سكر و الأعتماد فقط على السكر الموجود في الفاكهة عشان ما نعملش عسر هضم للبيبي و تخمِّر في المعدةالأنواع دي من الفاكهة غنية بالحديد وفيتامين C و بتفتح شهية الطفل للأكل و الرضاعة.٨-البسلة :- من الشهر السادس و بيعتبر من الخضروات عالية القيمة الغذائية لأحتوائها على الألياف و الصائمين و فيتامين Aو B6ورالنياسين و الماغنيسيوم و ممكن نقدمها ك بيوريه او مع شوربة الخضار .٩- البيض :-بنبدأ نديه من الشهر العاشر و بيعتبر إختيار جيد لنمو و تطور الجهاز العصبي لإحتوائه على مادة الكولين.كمان بيعتبر مصدر غني بالدهون المشبعة و البروتين وفيتامين Aبنقدِّم للطفل الصفار الأول عند الشهر العاشر و البيض كامل عند السنة.١٠-الدجاج بنقدمه عند الشهر الثامن و عشان نسبة الكوليستيرول عالية فيه يستحسن نقدمه مرة واحدة في الأسبوع .من الأغذية المهمة لزيادة الوزن و لذيذة في نفس الوقت و طرق تقديمها كتير ١١-الأسماك بنبدأها عند الشهر الثامن .غنية بالأحماض الأمينية و الأوميجا ٣و فيتامين D و مهمة جداً لنمو و تطور الجهاز العصبي و زيادة الوزن و ممكن نقدمها على الأقل ٣مرات في الأسبوع.١٢-اللحوم الحمراء بنقدمها بعد السنة و مهمة جداً لنمو عضلات الطفل و ممكن نقدمها مرة واحدة في الأسبوع .١٣-الجبنة بأنواعهاالقريش و البارميزان و جبنة الفرد ممكن نبدأ بيهم في الشهر الثامن. و بعد السنة ممكن نقدم أي نوع جبنة غنية بالكالسيوم و السيلينيوم و لذيذة و بتزود الوزن دُمْتُم و إياهم سالمييين
