ملابسها والبرفان اغروني اعترافات المتحرش بفتاه مسيحيه في اتوبيس شيراتون

منذ 2 اسابيع
June 19, 2022, 11:16 am
تبليغ
ملابسها والبرفان اغروني اعترافات المتحرش بفتاه مسيحيه في اتوبيس شيراتون

google-news google-news google-news

حصلت مصادر صحفيه علي نص اعترافات المتحرش بفتاه قبطية داخل وسيله نقل عام والتي اعترف فيها بكامل تفاصيل الواقعه والتي جاءت كالتالي

واقر المتهم انه يعمل محامي الا انه لا يحمل كارنيه النقابه في الوقت الحاي

س |ماتفصيلات اقرارك ؟

ج |اللي حصل اني كنت راكب اتوبيس نقل عام رايح للشيراتون وكنت قاعد علي الكنبه اللي ورا جمب الشباك وفي واحده بنت جات قعدت علي الكنبه برضو وكان في حد راكب في وسطنا وفي نص الطريق اللي كان راكب ما بينا نزل ومافضلش غيري انا والبنت وهي كان لبسها مغري وملفت وحاطه ريحة برفان جامده جدا فبصيت ليها وضحكت لقيتها بصتلي وابتسمت ابتسامه خفيفه فأنا تمت استثارتي جنسيا وقت بملامسه عضو حساس لدي من فوق الهدوم كده وحاولت الاغيها لأني افتكرت ان انا عاجبها برضو بس هي متجاوبتش معايا فسكت ومعملتش حاجه تاني وشويه وهي نزلت من الاتوبيس ولما روحت البيت لاقيت فيديو نازلي علي النت هي صورتهملي ومكنتش عارف انها بتصورني وبعدين في ميكروباص من مباحث الزوايه الحمرا ومباحث النزهه جم البيت عندي وقبضو عليا وجيت علي النيابه وهو ده كل اللي حصل

س| متي واين حدث ذلك ؟

ج| الكلام ده لما اتعرضت للبنت اللي في الفيديو حصل الخميس اللي فات حوالي الساعه 1 مساء

س|ما سبب ومناسبه تواجدك بالزمان والمكان سالفي الذكر ؟

ج |انا كنت رايح شيراتون كان في فرصه شغل كمستخلص جمركي رايح اقدم عليها ورايح شيراتون ولما اتقبض عليا كنت في بيتي

س | من كان برفقتك وقتها ؟

ج | كان في ناس ركبة معايا الاتوبيس

س| وما هي بيانات سالفي الذكر تحديدا؟

ج | لا معرفش اسم حد فيهم أو أي بيانات حد فيهم.

س | ما هي كيفية ارتكابك للواقعة محل التحقيق تحديداً؟

ج | انا لقيت البنت الي في الفيديو اللي حضرتك عرضته عليا جات قعدت على الكنبة في الاتوبيس جمبي وكان في حد راكب في وسطنا و في نص الطريق الي كان راكب ما بينا نزل و مفضلش غيرى انا وهي و هي كان لبسها مغري و ملفت و حاطة ريحة برفان جامدة جدا فبصيت ليها وابتسمت لقيتها بصتلي و ابتسمت ابتسامة خفيفة فأنا اتم استثارتي جنسيا وقمت بملامسة عضو حساس من فوق الهدوم كده وحاولت الاغيها واشاورلها أخد رقم تليفونها لاني افتكرت ان انا عاجبها برضو بس هي متجاوبتش معايا فسكت ومعملتش حاجة تاني.

س وهل تجاوبت معك المجنى عليها ؟

ح / لا هي في الأول خالص بس لما انا بصتلها و ضحكت هي ابتسمت ابتسامة خفيفة لكن بعد كده متجاوبتش معايا ولا ردت عليا أو كلمتني.

س / هل قمت بتجريد المجنى عليها من ملابسها حال ارتكابك الواقعة ؟

ج/ لا

س/ هل قمت بملامسة اية أجزاء حساسة أو موطن من مواطن عفة المجنى عليها /

ج / لا انا لم اقم بلمسها

س/ وما الذي دفعك للقيام بمثل تلك الأفعال التي قررت سلفا بارتكابها ؟

ج/ انا ضعفت و الشيطان لعب في دماغي لان لبسها كان مغري وملفت جدا و افتكرت اني عاجبها برضو لانها ابتسمت ليا في الأول.س/ هل كنت تضمر في نفسك القيام بمثل هذه الافعال قبل اقدامك عليها ؟

ج/ لا دي لحظة شيطان لغب : دماغي لما شوفت البنت وكانت لابسة لبس مغري و ملفت جدا تم استثارتي جنسيا.

س/ ولماذا قمت بارتكاب هذه الأفعال والتعدى على المجنى عليها تحديداً دون غيرها ؟

ج/ لا انا معرفهاش أصلا هي لحظة شيطان وضعفت لما شفت ملابسها الملفتة والمغرية.

س/ وما هو قصدك من اتيانك هذه الأفعال السالف ذكرها تحديداً؟

ج / انا كان قصدي ألاغيها يمكن نتعرف.

باشرت نيابة شرق القاهرة تحقيقاتها في الواقعة وانتهت إلى إحالة المتهم (محامي ) إلى الجنايات ووجهت له اتهامات التحرش جنسياً قولاً و فعلاً و إشارة بالمجنى عليها مريم .أ في مكان عام - أحد أتوبيسات النقل العام - بأن أتي تلميحات جنسية نحوها بشفتيه و قام بمداعبة عضو حساس بمواجهتها وغازلها ثم أشار إليها بيده ليحصل على رقم هاتفها المحمول بقصد الحصول علي منفعةذات طبيعة جنسية .وشهدت المجني عليها خلال التحقيقات انه حال استقلالها لاحدى وسائل النقل العام فوجئت بالمتهم ينظر اليها محدقاً وهو يداعب عضو حساس قائماً بعض شفتيه و مغازلتها بطريقة بها إيحاءات وتلميحات جنسية و أشار إليها بيده ليتحصل علي رقم هاتفها قاصداً من ذلك الحصول منها على منفعة جنسية فقامت بتصويره ثم توجهت لقسم الشرطة للإبلاغ عن الواقعة.




Email : answer@christian-dogma.com - Email Us
احصل عليه من Google Play تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play