فتاة مصرية تكتشف مادة لعلاج سرطان الثدى

خاص لموقع الحق والضلال

كتبت: نورهان عبدالله

نشرت احدى المدونات قصة الطالبة "فاطمة حسن " والتي اخترعت علاجاً لمرض سرطان الثدى فتقول :"اخترعت الشابة المصرية "فاطمة حسن " من المنيا ، كانت عارضة مشروعها في ال innovation day 5 في كلية هندسة جامعة المنيا انهاردة

هي لقت حل لعلاج سرطان الثدي بدون بتر و دا باستخدام مادة سالسيلات الفضة الي بتستخرجها من الطحالب و جربت المادة دي علي الفقاريات ووصل عدد محاولتها ل 50 محاولة عشان توصل نسبة النجاح 30% و بعديها محولات تاني لحد ما وصلت لنسبة 50% و قالت انها موقفة الشغل اليومين دول في مشروعها عشان الدراسة و لما سالتها هي في كلية ايه بتقولي لا انا تانية ثانوي
تانية ثانوي و بتتعامل في مشروعها مع دكاترة برة مصر وواخدة دعم من اكادمية العلوم و التكنولوجيا و كانت اتعرضت عليها منحة في روسيا و مدتها 11 سنةانا مش عارفة احنا بلدنا ازاي مبتتقدمش و فيها ناس زي البنت دي في ناس كتير جدا عندهم اختراعات و مشاريع ممكن تخلي البلد دي جنة فعلا بس للاسف بيقفو عند حتة الدولة مش هتسمعلهم او كلامهم مش بيوصل ف لو سمحتو كل الناس تشير البوست عشان يمكن صوت البنت دي يوصل و فعلا يتنفز علاج هيساعد ناس كتييييير جدا. ملحوظة البنت دي انا اول مرة اشفها انهردة و هي مطلبتش مني اكتب عنها حاجة دا انا الي استاذنتها اني انزل البوست دا عشان انا شايفة ان فعلا بنت زي دي لازم توصل فكرتها للناس