شاهد.. ماذا قال الرئيس السيسي فى سؤال عن سبب غضبه من المصريين

أجاب الرئيس عبد الفتاح السيسي على سؤال إحدى المواطنات حول سبب عصبيته المستمرة ونبرته الحادة وهل سبب ذلك هو غضب الرئيس من المصريين.

وقال الرئيس السيسي: لا والله العظيم أنا مش زعلان منكوا أنا زعلان على حالنا، حد يزعل من أهله، بس أنا صعبان عليا انتوا تستحقوا أكتر وأحسن من كده بكتير، دنا لسه في أول الكلام بقول متشكر هبقى زعلان إزاي .

وتابع الرئيس: الفكرة بس إن أنا بحب الصح قوي وبحب الكمال وربنا يجعلنا من أهل الكمال وعاوزكوا كده وعاوز بلدي كده مش عاوز فيها غلطه في الصحة والتعليم والإسكان والطرق

واستطرد الرئيس: أنا مش بتعصب ولا حاجه، بس ببقا عايز ابني أو بنتي صغير أو كبير لما يتكلم في موضوع يبقا عارفه، زي مطلب الصبح بتاع التعليم ومرتبات الناس، يعني انت بتطرح الطرح ده عشان ناخد بالنا منه طب تفتكر برضوا إننا نقدر ندي ومديناش وليه مش هندي، عشان كده بقول يا جماعه أي موضوع هنتكلم فيه لازم نكون دارسينه بكل أبعاده .

وتابع السيسي: عارفين اللي يبقا قاعد فوق وشايف كل حاجه، أنا قاعد فوق وشايف كل حاجة، صحيح شايف كل حاجه، وبعدين بحب الصح قوي، شوفوا المفارقة بقا، احنا في اليمين والحال في الشمال، فميش عصبية ولا حاجه ولا زعلان والله ما زعلان وهفضل طول ما انا عايش أو طول ما أنا متولي المسئولية هفضل أكسر في التحدي ده لحد ما أخلصه .