تعالوا نعرف حكايه لوسى التى كانت و مازالت معجزه حيه ولاده روحيه معجزيه و ملء من الروح القدس معجزى
تعالوا نعرف حكايه لوسى التى كانت و مازالت معجزه حيه ولاده روحيه معجزيه و ملء من الروح القدس معجزى
المعجزة حدث فوق طبيعي بيحصل وعلي حسب قوته بيسيب أثره لوقت بس بيجي يوم وبيخلص، وفيه ناس تقول طبعاً فيه معجزات وناس تقول عصر المعجزات انتهي وناس تالثة تقول من الأصل مافيش حاجة اسمها معجزة . بس انت يا لوسي كنتِ ومازلتِ معجزة حية عايشة بيننا : ولادة روحية معجزية، ملء بالروح معجزي ، ومن يومها ١٩٨٥ أو ٨٦؟ ) لحد آخر لحظة امبارح : صداقة حميمة جداً مع الروح ، حياة في ستر العلي ، في ظل القدير ، في حضن الآب ، والشبه مع الابن يسوع كان عمال كل يوم بيزيد أقول ايه ولا ايه ولا ايه؟ ازاي عيشتي برة نفسك كده ؟ وازاي بصدق كده ، من غير تمثيل أو انكار أو denial ؟ سنين مع الكانسر ، ولا مرة سمعتك بتشتكي ولا مرة طلبتي لنفسك صلاة ، ولا مرة ما شاركتيش عن الناس و احتياجهم و ربنا واللي عاوز يعمله معاهم ووسطينا ، وولا مرة ما جبتيهاش صح 😍 حتي آخر مكالمة عملتيهالي من كام أسبوع وانت مش قادرة خالص تتكلمي ما كانتش علشان نفسك ، كلها علشان البنات - اللي هما خلفتهم برضه كانت معجزة 👩👧👧 عرفتي تعيشي وتستمتعي باللي علشانه مات المسيح: "وهو مات لأجل الجميع لكي يعيش الأحياء فيما بعد لا لأنفسهم بل للذي مات لأجلهم وقام " ٢كو ١٥:٥) مش قادرة تمشي مترين من غير ما تقعدي ، لكن ده عمره ما منعك تيجي الاجتماع و تكوني بكل كيانك موجودة بجد ، ومافيش مرة عديت من جنبك أو اتلفت و شفتك الا واللي كان خارج منك عبادة و حب للرب عجيب ❤️، فيض مغرق المنطقة اللي انت قاعدة فيها كلها ، أنهار مياه حية بتملا المكان اللي انت فيه ، كل ده و الموت عمال ينتشر في الجسم الضعيف - ورغم ان صلاتي لكِ كانت مليانة غضب علي عدو الخير وزئير من الأسد الغالب - الا اني حتي دلوقت بعد ما مشيتي ، مش شايفة الكانسر غلبك - أنا شايفة أنا اللي خسرت المعركة دي لكن أوعدك هأكمل، وهازق كل اللي بيحبوكي نكمل- أما انت فشايفاكي بوضوح غلبتِ وانتصرتِ ، شايفاكي بتقوليله : مش معقول ، أنا أقعد معاك في عرشك، ده انت سيدي وتاج راسي ! بس هو بيقول لك : "من يغلب فسأعطيه أن يجلس معي في عرشي ، كما غلبت أنا أيضاً وجلست مع أبي في عرشه" (رؤ٢١:٣) ، وزي دايماً كلامه عندك أوامر ، مافيهوش مناقشة ، شايفاكي بتطلعي وبتقعدي معاه في عرشه و بتتجعصي قوي لأنك بتكتشفي ان ده مكانك الخاص اللي كنت طول عمرك قاعدة فيه. يا معجزة هتوحشيني!
منقول من الفيسبوك