من هى صفورة زوجة موسى النبى صاحبة اول حالة تنمر في الكتاب المقدس
القليل منا يسمع عن صفورة زوجة موسى النبي رغم ان موسى النبي مشهور جداً وزوجتة كانت امرأة عظيمة وياما احتملت تعالوا نعرف مين هى صفورة ونشوف نتعلم منها ايه؟
بداية ظهورها في سفر الخروج الاصحاح التاني وورد اسمها تلات مرات فقط في الكتاب المقدس كله تزوج موسى بصفورة المطيعة لما تزوجت من موسى سكنت مع والدها وموسى كان يرعى غنم ابوها.
ولما ظهر الرب لموسى في العليقة وكلفه بالرجوع لمصر فاخذ امراته وبنيه واركبهم على الحمير ورجع إلى أرض مصر ولكن زوجتة لم تعترض وفي رحلات موسى حصل مرة ان مريم وهارون اخوة عايروا موسى علشان اتجوز صفورة وقالوا عليها كوشية لانها كانت سمراء اللون ودي كانت اول حالة تنمر في الكتاب المقدس كانت ممكن تتكلم وتقول انها بنت كاهن مديان او كانت تهين مريم وهارون لكنها سكتت حتى لما موسى قالها تروح تسكن مع ابوها هي والأولاد علشان حرب عماليق اطاعت وسكتت وكانت ممكن تقول انك كده نصرت اختك واخوك علي لكنها سكتت.
ولما كانت في بيت ابوها كانت بتحكي لأبوها عن قوة إله إسرائيل والمعجزات اللي شافتها وازاي كان كل الشعوب تخضع أمام إله موسى حتى ان يثرون قال " مبارك الرب الذي انقذكم من أيدي المصريين ومن يد فرعون الذي أنقذ الشعب من تحت أيدي المصريين.