زوجة الملاك توما ثروت تنشر صور تجمعهما وتعلق بكلام صعب جداً
نشرت زوجة الشاب الجميل عريس السماء توماس ثروت ملك الذى سقط اعلاه الحائط اثناء محاولته انقاذ مدعوين إحدي الافراح بفندق والدة صور تجمعهما وعلقت عليها بكلام صعب جداً ومؤثر عبر حسابها الشخصي على مواقع التواصل الإجتماعي فيسبوك.
قائلة: انا بشكر ربنا جداااا جدااا عمري ما كنت اتمني لتوما مكان احسن من اللي هو فيه اللي بيحب حد بيبقي عايزة يكون ف احسن مكان ويكون مبسوط وانا من ساعة معرفت وانا بصلي ان ربنا ياخدك ف حضنه ويقولك ادخل الي فرح سيدك.
واضافت: ربنا اثبتلي كتيير جدا ان انت ف السما وسط الملايكة لانك ملاك اللي عندو صفاتك دي كلها يا توما مينفعش يعيش علي الارض محدش يزعل علي توما نزعل علي نفسنا ان احنا موصلناش لمستوي توما ان ربنا ياخدنا معاه.
اللي عايز يشوفو ويوصلو لازم يبقي زيو او يعمل جزء من اللي عملو علشان ندخل نفس المكان اللي هوا فيه توما اول مرة احس انك انت المزمور دة بالكلمة بيتكلم عنك (طوبى للرجل الذي لم يسلك في مشورة الاشرار وفي طريق الخطاة لم يقف وفي مجلس المستهزئين لم يجلس لكن في ناموس الرب مسرّته وفي ناموسه يلهج نهارا وليلا فيكون كشجرة مغروسة عند مجاري المياه. التي تعطي ثمرها في اوانه. وورقها لا يذبل. وكل ما يصنعه ينجح) انت يارب قلت طوبي لانقياء القلب لانهم يعانون الله.
وهو كان علي صورتك وحاسس بيك وشايفك وبيمشي يخدم اي حد ويحب كل الناس وعندو طيبة ومحبة وحكمة وذكاء وطول بال وصبر واحترام الكبير وحبه للاطفال وحاجات كتييييييير توما كل الكلام دة ينطبق عليه بكل كلمة وكل معانيها مهما حكيت مواقف وكلام مش هيوفي حقك يا حبيبي.
واختتمت : صلولي كتير ان انا اوصلو وقريب جدا لان الحياة ملهاش طعم من غيرك يا حبيبي صلو لباباه ومامته واخواته وانا واصحابه وكل اللي بيحبه ربنا يعزينا ويصبر قلبنا علي حبيبي ملاكي توما
مكنتش بتحب يا توما اني اكتبلك اي حاجة علشان كنت انت معايا وبنقول لبعض كل حاجة بس انا وحيدة من غيرك ومش عارفة اخرج كل اللي جوايا ازاي بحبك اوي اوي يا توما انا جيالك قريب واي حد يسافرلو قبلي يبلغو الرسالة دي اني بحبو اوي ووحشني اوي ويتشفعلي ان ربنا يصبرني لحد مياخدني معاه.