شقيق مينا عبد السيد واثقين فى الحكومة المصرية انها هترد علينا قريب

كتب بيشوي عبد السيد شقيق مينا عبد السيد الذي تم العثور علية مقتولاً قائلا: انهاردة ٢٠٢٢/٢/١٥ ومينا اخويا متغيب من يوم ٢٠٢٢/١/٢٤ وكل اللي شوفناه في الكاميرات والمكان هناك مش جايب غير اللي نزل قدامنا كلنا علي الفيس وكان عندي امل ان اخويا يرجع كويس وبخير لكن ارادة ربنا فوق كل شئ.

واضاف عبر حسابة الشخصي علي موقع التواصل الاجتماعي فيسبوك قائلا:يوم ٢٠٢٢/١/٢٩ نسمع انهم لقوه اروح الاقي اخويا علي الارض ويتقالي البقاء لله
واستني عشان اعرف مين اللي عمل كده في اخويا لحد دلوقتي ومفيش اي اخبار جديده.

وتابع:كل اللي بنسمعه التحقيقات لسه شغاله
كل ده وتقرير الطب الشرعي لسه مطلعش
كل ده ومفيش حد قال اي حاجه يهدي بيها النار اللي في قلوبنا كل ده ومفيش اي خبر يحسسني ان في ناس خايفه ان حقه ميروحش اه مستنين ولحد اخر العمر هنفضل مستنين حق اخويا واثقين ان ربنا مش هيضيع حق اخويا وهيعزينا.

واختتم: وواثقين في الحكومه المصريه انها هترد علينا قريب واثقين ان حق مينا هيرجع واثقين ان احنا في بلد امن وامان وعمرها ما يحصل كده في واحد من ولادها وتسكت واثقين في سيادة الرئيس AbdelFattah Elsisi - عبد الفتاح السيسي انه هيرجع حق اخويا ومتشكرين ليهم مقدماً.

حق مينا عبد السيد لازم يرجع نناشد النائب العام والنيابة العامة المصرية الي سيادة الريس عبدالفتاح السيسي الي كل مسئول في الدوله.