محمد فتحي يكتب امي وخالتي ام ماريان
أمى كانت تنزل من بيتنا تتسوق أو رايحة أى مكان كانت بتعدى على جارتنا حبيبتنا خالتى أم ماريان يا صباح الخير و يا عوافى أزيك يا أختى و يا حبيبتى هاتى كام بوسة و حضن دافى أصلك وحشتينى لما غيبتى.
تعالى بقى نروح مشوارنا قبل ما الشمس تشد علينا نجيب طلباتنا و نرجع دارنا قبل ما يصحى حمدى و مينا بكل محبة رايحين السوق طول الطريق تمللى حكايات مكنش أبدا يقدر مخلوق يقول عليهن غير أخوات.
لما كانت تيجى المغربية بعد غروب شمس النهار فى الحارة تتحط الطبلية عليها لب و فول وفشار صدفة خالتى تريزة تعدى ترمى المسا و تقول سعيدة يترد مساها الفل الوردى من أمى و خالتى أم حميدة.
مكنتش فى حاجة أبدا فارقة ما بين أم طرحة و أم الشعور المحبة واخدة الكل و سارقة جوة قلوب ماليها النووووور الواحدة قاعدة بالفستان عاملة شعرها كاريه زى ورد جوه البستان مطر المحبة عمال يرويه.
ناس بتعدى رايح جاى عمالة تشوف عمالة تبص شايفين المحبة عاملة أزاى لمة الكل و قاعدة فى النص دى لما كانت تيجى الأعياد تلاقى الكل تايه فى بعضه متعرفش خالتك أم عياد من أختها خالتك أم عبده.