حزن في الكنيسة بعد وفاة اتنين اشقاء كانوا رايحين يعملوا نص إكليل

حزن في الكنيسة بعد وفاة اتنين اشقاء واصابة اخرين كانوا رايحين يعملوا نص إكليل

انتشر منذ ساعات منشور تم تدوالة عبر شبكات التواصل الاجتماعي منشور افادته عن حادث سير تسبب في مصرع اثنين اشقاء اقباط قبل احتفالهما بنص الاكليل .

اليكم التفاصيل كامله عن واقعة حادث اثنين اشقاء اقباط كما جاء في المنشور الذي تم تداولة :

مارى و رامز الاتنين إللي في الصوره سوا ،كانوا رايحين يعملوا نص أكليل فعملوا حادثه والان حالتهم خطيرة ، شقيقتها ميرنا إللى في الصوره كانت معاها ، وراحت السما ، واخوها بيشوى كان معاهم و راح السما ، والمصور إللى كان معاهم يصورهم هو كمان راح السما.

طالب صلاة عاجلة من اجل ماري ورامز بعد تعرضهم لحادث :

اتمني كلنا نصلى عشان مارى و رامز يقوموا يكملوا المشوار وياريت كمان نصلي لأهلهم لأن فيه أم و أب فقدوا إتنين من ولادهم في لمح البصر و التالته هي و خطيبها بين ايدين الله .

صحيح كل حاجه بتحصل بتقول إن الدنيا مالهاش اى قيمه عشان نعيشها في كدبه كبيره إسمها الأنا ، لازم كلنا نفهم الحقيقه إحنا بكل خيرنا و شرورنا و لا حاجه إحنا لو فعلآ فاهمين الدنيا صح نعيش بقلوب طيبه و نحاول نعمل إللى يخلينا مش خايفين من اليوم دة .

واختتم المنشور بكلمات تفجع القلوب : يالا بسرعه الساعه بقيت 7 مش عايزين نتأخر على العروسه و نبقا جنبها ،، واقفين فى حوش كنيستنا الساعه بقيت 7:45 العروسه لسه ماجتش اهل العروسه ابتدو يطلعو من الكنيسه ،، الخطوبه هتتأجل طيب ،، يعني هما كويسين و هما فى الزفه عملو حادثه و هما فى المستشفى طيب حد جراله حاجه ؟!

صمت تــــــــــــام ،، و روحنا بيوتنا و محدش فاهم حاجه و بعد شويه ابتدينا نستوعب ،، .الفرح اتقلب عزا نوبه (المصور) بيشوى مدحت (اخو مارى العروسه) ميرنا مدحت (اخت مارى العروسه) طلعو السما و مارى ورامز خطيبها محتاجين صلاه و حالتهم وحشه .

يارب احنا بنترجى رحمتك و حنيتك ، لاننا اضعف من التجارب دى يارب الزعل فرفت قلوبنا خلاص كل يوم بنودع حد او بنعزى حد و كلها اختطاف.