رضا عبد العال يسخر من المدربيين الا بيقولوا ان بيخسروا بسبب السحر والاعمال

اللاعب رضا عبد العال

قال رضا عبد العال نجم الأهلي والزمالك السابق ، إن بعض المدربين لديهم قناعات بأن العمل والسحر يفرقون في نتائج المباريات.

وأضاف رضا عبد العال في تصريحاته لبرنامج بريمو انا كان معمولى عمل وأنا في الزمالك. كنت بنزل اشوف الفرقتين بالبس الأبيض. اقسم بالله مجرد مارجلى بتتحط فى الأرض بشوف الفرقتين بالبس الأبيض ، انا بشوف أشرف قاسم ورايا وأشرف

قاسم أمامي وعصام مرعي جانبى وعصام مرعي أمامي وإسماعيل يوسف جنبي وقدامي ، أقسم بالله كابتن فاروق جعفر حى يرزق والكابتن سمير السيد رحمه الله عليه هم الذين اكتشفوا هذا الموضوع مجرد مابلمس الكورة مش عارف اديها لمين.

وتابع عبد العال: الا عملى العمل ده طلعت واحدة من العيلة بتاعتنا لأنها أرادت أن تزوجني ابنتها ، والكابتن فاروق جعفر والكابتن سمير هم الا خلصوا هذه القصة ، ثم تكرر هذا الموقف مرة أخرى ، وانا مدرب مروحتش لمشايخ لكن هناك مدربين بيروحوا

وهناك مدربين حتى الان هم يؤمنون بهذه الحاجات لكن وانا بلعب فى الاهلي والزمالك مكنتش بلجأ إلى أي شيء من هذا القبيل. دا لو الشياطين أمامنا ، كنا هنكسب وخلي الطابق مستور عشان الناس هتزعل مني.

وتابع: وربنا مرة واحد نسى التيشيرت اللى بيحضر بيه المباريات بعد أن وصلنا إلى الملعب ، وأراد أن يرجع الاتوبيس عشان يجيبه ، وفي ذلك اليوم فزنا 4-0.

وقال الكابتن رضا عبد العال نجم الأهلي والزمالك السابق في تصريحات سابقة: ضغطي مرتفع من يوم ما إيهاب جلال مسك المنتخب المصري .