"أنا عايزه ابني ومش هسكت لأخر نفس".. منار مجدي تستغيث من عائلة زوجها
ظهرت على وسائل التواصل الاجتماعي سيدة تدعى "منار مجدي" أكدت أنها تعاني من عدم رؤية ابنها حيث أن عائلة زوجها أخذوا ابنها منها، وحرموها منه طوال تلك الفترة، ويذكر أن الفترة القادمة نشرت منار مجدي منشورات تشرح تفاصيل حرمانها من ابنها كما تدعي هي.
منار مجدي تستغيث من أجل ابنها
نشرت سيدة تدعى منار مجدي منشوراً تحدثت فيه عن تعرضها للظلم على يد أهل زوجها، وكتبت منشوراً قالت فيه: "دى صورتى وسط اكتر عيله ظالمتنى ف الدنيا يعنى رايحين تخطبوله ع عفشي وواخدين ابنى منى بتخرجوا ب العربيه خايفين وداخلين خايفين وعاملين تعملولى قواضي اقسم بالله لو اعرف عايز تخطب مين لروح اقولها الحقي نفسك ي بنتى ال يعرف العيله دى هيخسر كل حاجه زى ما خسرونى ومش سايبنى أنا وأهلى فى حالنا لا عارفه اجيب الولد ولا عارفه اخلص من كلامهم والافترى بتاعهم يا جماعه الناس دى واخده ابنى ومش سايبنى ف حالى انا عايزه ابنى عايزه ابنى يا ناس وانا والله ماهتكلم تانى العيله دى اخدت ضنايا ومحدش يقولي اعملى قواضي
تصريحات أم تستغيث من أجل نجلها
أكلمت منار مجدي تصريحاتها قائلة: "عملت كل حاجه بيمشوا من البيت وقت التنفيذ حد يقولى ممكن اعمل اى تانى وانا اعمله دعاء دعيت قواضي كل يوم ف المحكمه والأقسام ودخلت لم افتروا عليا وحبسونى اعمل اى منك لله حسبنا الله ونعم الوكيل طلقنى ف التلفون روحت لاهلى راح نزل عفشي ال جابته ب شقى اهلى ومكتبتش قيمه عشان فاكرنهم ناس محترمه عرضوا عفشي ع النت يتباع وعرفت الناس أن ده عفشي عروسه لسه حللي والنيش وكل حاجتى ومسحوا البوستات لم الناس عرفوا وعمه وابن عمه راحوا لابويا يضربوا ف المحل واخدوا ابنى وحبسونى ب قضيه هبله وربنا كل مره ربنا بينجينى منهم".
منشورات منار مجدي عن ابنها
نشرت منار مجدي في شهر أكتوبر الماضي منشورات تم تداولها بشكل واسع على وسائل التواصل الاجتماعي حيث قالت إنها تحتسب عمر نجلها، يوماً بعد يوم، وتنشر صوراً له، وفيديوهات تتردد بشكل واسع، ومؤثر يتداوله الجميع من أجل مساعدتها.
