بالفيديو.. عمرو أديب أشجع النادي الأهلي أهون من أني أكون إخوان

أشاد الإعلامي عمرو أديب بقرار الإفراج عن الناشطة إسراء الطويل، قائلاً "اليوم الرحمة كانت فوق العدل وعندما قلت ذلك من فترة اتمسح بيا الأرض".

وتابع خلال برنامجه "القاهرة اليوم" المذاع على فضائية "اليوم": "لما قولت كده طلعت إخوان وردي كان أن مش هي دي اللى هتهز مصر إخوانجية مش إخوانجية وطلع أن هي اللي عملت كل حاجة لكن القاضي شاف أن الرحمة فوق العدل محبوسة من يونيو وهي حالتها صعبة ومش بتقف على رجلها".

وأضاف "وارد جدًا ان إسراء أول ما تروح تمسك اللاب بتاعها وتشتمني وتشتم الرئيس وتشتم مصر لكن كل ده مش مشكلة فاحنا مجتمع بيعمل بأصله رحيم بيعرف إزاي يتسوعب الناس عندنا رئيس قلبه مش أسود وفي رئيس قلبه كبير هو حازم وليس عنيفًا".

وسخر "أديب" من الإعلامي توفيق عكاشة، قائلاً "أنا مش مهم ولا مؤثر مش زي اللي قاعد يقول أنا مفجر ثورة الواحد اللي بيحس بيه بيعمله المجتمع مش ميت".

وقال "لما دافعت عن إسراء الطويل قالوا عني إخوانجي أنا ممكن أشجع النادي الأهلي ودي حاجة مستحيلة على أني أكون إخوان وفي انتظار خروج أحمد دومة وعلاء عبدالفتاح وأحمد ماهر رغم أنهم بيكرهوني بس دولة الحريات مبتحبسش معارضين عفا الله عما سلف والرئيس عبدالفتاح السيسي رئيس كل المصريين أما اللي في أيده دم لازم القصاص".

الوفد