شاركنا برأيك ..أنا خاطب وبكره خطيبتي ومصاحب 4 عليها ..اعمل إيه ؟
خاص لموقع الحق والضلال
كتبت: نورهان عبدالله
انا خطبت من حوالي شهر ونص خطوبة تقليديه وقبل الخطوبه عرفتها من شهر مشكلتي اني مش حاسس ناحيتها بأي مشاعر كنت فاكر اني لما الاقي واحده محترمه وبنت ناس ده كفايه للجواز انا طبعا عرفت قبلها كتييير لكن مش اقدر احبها حتي أيديها مش بكون عايز امسكها انا عندي 30 سنه خفت اني اتأخر في سن الجواز ده غير زن اهلي و كمان انا بشتغل مدير انتاج و كل اللي اعرفهم في الوسط ده ما ينفعش ارتبط بيهم انا دلوقتي مش عارف اعمل ايه اكمل يمكن الحب و التفاهم يجي ولا انهي الخطوبه لأنها فعلا بنت ناس و اهلها مايستهلوش اني اعرفها كتير و اسبها علي فكره انا دلوقتي اعرف اكتر من بنت يمكن اربعه مرتبط بيهم انا عارف نفسي لو حبيت حد بجد عمري ما بابص بره بس صعب الاقي واحده احبها وتكون في نفس الوقت تنفع للجوازالبنات اللي اعرفهم انا عارفين اني خاطب و مش عايزين يسيبوني وكمان خطيبتي مش بتهتم ينفسها و لبسها و كمان شكلها مش عاجبني انا غبي اتسرعت بس اهلهت استعجلو الجوازه كان لازم نعرف بعد وقت اكبر لما بتتصل بكون مش طايق مش عايز ارد اعمل إيه .
ملحوظة :
لو عندك مشكله وعاوز تشارك معانا بيها ارسل لنا علي الإيميل ده