شاركنا برأيك ..مشكلتي أن مش عايزة اتجوز وخايفة من العنوسة ..اعمل إيه ؟
خاص لموقع الحق والضلال
كتبت: نورهان عبدالله
مشكلتي هى مجتمعنا الشرقي. أنا بنت في نهاية العشرينيات. المفروض ده وقت الزواج، لكن انا مش عايزة اتزوج، ولا عايزة أكون مجرّد خدامة لزوجي أو مربية للأولاد، لأن ده المعنى الحقيقي للزواج فى بلدي! يمكن لو فكرت فى الزواج يبقى علشان العلاقة الزوجية فقط! أنا محترمة عمري ما صاحبت ولا حبيت حد، كل علاقتى بالجنس الآخر مجرد زملاء. بحسد أي إتنين بيحسوا بالحب، لكن من جوايا عارفة إن الولد بيكون كدّاب، ولما يتجوز هيختار بنت مايعرفهاش ولا حبّها قبل كده.
نفسي ارتبط بإنسان أحبه ويكون بيننا علاقة، بس طبعاً كل ده ممنوع وحرام، بس بفكّر في الموضوع ده كتير ومفيش إلا طريق واحد و هو الزواج وصالونات كمان. مش عارفة: ايه الحل؟ مقدرش أكون منفتحة واتعرّف و أحب لان ده مستحيل يحصل، وبرضو مش عايزة اتزوج وأتدبس فى حياة أنا مش عايزاها. فكرت اني ماتجوزش ابداً وكل حياتي اعيشها فى الخيال، بس خايفة أندم لما العمر يعدّي إيه الحل؟
ملحوظة :
لو عندك مشكله وعاوز تشارك معانا بيها ارسل لنا علي الإيميل ده