شاركنا برأيك..اعمل إيه عشان ابعد بس من غير مااجرحها ؟
خاص لموقع الحق والضلال
كتبت:نورهان عبدالله
أنا من قرية وعائلتي بسيطة. أساعد نفسي عشان أجهز نفسي واتجوز واجهز الشقة.
كان ليا واحد صاحبي من عائلة أصحاب أراضي، فروحت أخطب اخته واهلوا سألوا عليا وبعدين وافقوا، تعدي أيام من الخطوبه والاقي المعاملة زي الزفت من حمايا وابنه اللي هو صاحبي، أنا خاطب من سنة وشهرين. المشكلة إني كنت باقي علي البنت وعاوز أكمل معاها عشان هي باقيه عليا، أنا مع الوقت قولت هحبها زي ما بتحبني بس حصل العكس زاد كرهي ليها ولأهلها، من أسبوع إبتدوا يعملوني حلو بس للأسف انا كرهتهم اوي من افعالهم معايا، المشكله إني خايف ازعل البنت أو أجرحها، بس انا مش حابب اكمل، اعمل ايه عشان ابعد بس مجرحهاش؟
ملحوظة:
لو عندك مشكله وعاوز تشارك معانا بيها ارسل لنا علي الإيميل ده