اسم الشركة فداك للتأمين اروع قصة معبره عن اللي ربنا بيعمله معانا ، بيصلـــح ورانا كل اللي بنكسره بنعمته الغنية لازم تقراها

موضوع




اسم الشركة "فداك للتأمين" اروع قصة معبره عن اللي ربنا بيعمله معانا ، بيصلح ورانا كل اللي بنكسره بنعمته الغنية لازم تقراها


فداك د.مجدي إسحق

اب جميل حنين ، لسه فرحان بعربية حديدة اشتراها ، و حب يفرح ابنه بيها و ابنه شاب متفوق لسه مطلع رخصة جديد ، فاخد العربية من باباه يجربها؛ و هو لسه طالع من الجراج، عربية طايرة علي الارض خبطته بعنف، و دمرت الجنب اليمين
نزل الاب علي صوت الحادثة ، لقي ابنه قاعد علي الارض منهار في العياط ، و من بين دموعه الكتير قال "حقك علي يا بابا ، كسرت لك فرحتك "

الاب الجميل خد ابنه في حضنه و قال له "فداك و فدي ضفرك يا حبيبي ، المهم انت كويس؟ " قال الابن "بخير يا بابا ، اوعي تزعل ، ح ادفع لك حقها من مرتبي و لو دفعته طول عمري " بابا الجميل ابتسم و قال له " ما تقلقش يا حبيبي ، العربية متأمن عليها، و لا أن ولا انت ح ندفع مليم "

صديقي
ده اللي ربنا بيعمله معانا ، بيصلح ورانا كل اللي بنكسره بنعمته الغنية ، و اسم الشركة "فداك للتأمين" د