الإخوان حاولوا يضموني اعترافات قاتل كاهن ابونا ارسانيوس وديد
كشفت تحريات النيابه العامه حول قضية مقتل كاهن الاسكندرية القمص ارسانيوس وديد والتي حملت القضيه رقم 7429 لسنة 2022 جنايات اول المنتزه كواليس وتفاصيل ومفاجأت جديدة حول القاتل ودوافعه وتطرفه الديني والفكري وذلك قبل ان تصدر المحكمه قرارها بأحالة اوراق المتهم في القضيه لفضيلة المفتي لأخذ الرأي الشرعي في اعدامه
ابونا ارسانيوس وديد
وقال القاتل نهرو عبدالمنعم المتهم في قضية قتل كاهن الاسكندرية : انا جيت اسكندرية من 4 ايام قبل الحادثه وكنت ببات في شوارع اسكندرية معرفش اسمها ايه وظروفي النفسيه صعبه بسبب حالتي المادية الصعبه وماليش مكان اعيش فيه وحالتي النفسيه كانت تعبانه جدا وكنت باخد برشام مش فاكر اسمه بس هو مقوي اعصاب
واكمل المتهم بقتل كاهن الاسكندرية حديثه : كنت لاقيت من فتره سكينه في مقلب زباله مش فاكر كانت فين وحطيتها معايا في جيب الجاكت بتاعي لما ببات في الشارع محدش بيتهجم عليا وانا مش بأذي حد بيها انا بس عشان محدش يتهجم عليا من الشباب اللي في الشوارع
أضاف نهرو عبدالمنعم قاتل كاهن الإسكندرية: أنا جيت إسكندرية عشان الاقي شغلانة أكل منها عيش وامبارح بعد الفطار طلعت على كورنيش البحر عند منطقة سيدي بشر، واتمشيت على البحر وشوفت قسيس ماشي قدامي على البحر ومحستش بنفسي ومعرفش أيه اللي حصل وأنا معنديش حاجة أقولها ومش فاكر اللي حصل أنا كنت متضايق وعندي شعور إني مهمش، وبفكر في وضعي وحالي لأن حالتي المادية سيئة وسني كبير والمعيشة مش كويسة وحاسس إني مليش قيمة ومعنديش دخل ثابت وحالتي المادية ضعيفة ومش بطلب حاجة من حد.
أكمل نهرو عبدالمنعم في اعترافاته بقتل كاهن الإسكندرية: أنا حاصل على ثانوية عامة وحافظ لكتاب الله وبحب التدريس وكنت بدرس للأولاد في التعليم الأساسي والمدارس في مجموعات تقوية في البلد في أسيوط، لأني أصلا من أسيوط وأهلي من بن يحيى وأختي اسمها ايزيس هي اللي قعدت هناك وانا من شهرين سبت أسيوط وطلعت على القاهرة ومنها للقليوبية وعديت على رشيد وادكو والمعديه لحد ما وصلت لمنطقة أبوقير في إسكندرية، وأنا اعزب ولم اتزوج، وجيت من أسيوط للإسكندرية على رجلي مشي في شهرين.
وفي نص اعترافات المتهم نهرو عبدالمنعم قاتل كاهن الإسكندرية، روى خلالها رحلة تطرفه حيث أقر بعلمه عن عدد من الجماعات المتطرفة ومنها جماعة الناجون من النار، وأن شبابها شباب ضايع بحسب وصفه التحقيقات وكذلك القطبيين نسبة إلى شيخهـم السيد قطب واللي ظلم حيا، وفي الشوكيين والتوقف والتبين وأسماء كثيرة قال المتهم إنها صنيعة أجهزة.
مقتل كاهن الإسكندرية
تابع المتهم، أنا كان ليا قناعاتي وكان ليا قراءاتي، على الرغم من إن جماعات كتيرة حاولت تضمني ليها ومنهم جماعة الاخوان المسلمين، وأنا حكمت عليهم عشان عارف إنهم ليسوا على شيء.
وفي مرافعته قال المستشار أحمد أسامة عاكف، وكيل نيابة المنتزه الكلية، ممثل النيابة أمام محكمة جنايات الإسكندرية، إن المتهم أُثبتت سلامة قواه العقلية وتم إعداد تقرير رسمي، كما أن النيابة أكدت أنه متزن نفسيا أثناء التحقيقات، وأزهق روح الكاهن أرسانيوس وديد، قاصدا إزهاق روحه وليس مهتز نفسيا كما يدعي.