انه حقا زمن الاختطاف بعد رحيل نانسى ميخائيل الملائكة تختطف روح عروس المسيح مارلين مجدى

على رجاء القيامة نودع ابنتنا العزيزة مارلين مجدي سعد، سائلين الرب أن يرسل تعازيه الخاصة للأسرة ولجميع أفراد الأسرة. 

والصلاة اليوم الساعة 10 صباحا بكنيسة الايمان بعزبة العرب وستقام مراسم العزاء في قاعة الكنيسة الساعة السادسة مساءاً.

جمعية خلاص نفوس بهتيم على رجاء القيامة تودع الابنة العزيزة / مارلين مجدي سعد، داعية الرب أن يرسل تعازيه الخاصة للأسرة ولجميع أفراد الأسرة.

وسادت الحزن مواقع التواصل الاجتماعي بعد وفاة شابة تدعى مارلين مجدي سعد، وامتلأت هذه المواقع بالرسائل الحزينة عن وفاة الأصدقاء. ونستعرض بعضًا منها:

Marlin Magdy .مع المسيح يا صديقتي 

تعزيزات السما لأسرتك 

مارلين سافرت السما

ليس هو موتا لعبيدك بل انتقال 

وكتب الرسام ميلاد عزت

ربنا يعزي الأهل والأصدقاء مع المسيح افضل جدا كانت هاديه ورجعت للمكان الي مفهوش لاحزن ولا ضيق ولا تنهد اذكرينا قدام المسيح

كميلة ميخا اسطيفو بوكا

الله يرحمها مكانها الجنة ربي يصبر جميع الاهل والاقارب

وكتب بيتر سمير بقلوب راضية ومسلمه لمشيئة الله

نودع علي رجاء القيامة (مارلين) 

ابنة الاخ/ مجدي سعد

مع المسيح افضل جدا

الحكمة والحكيم

نياحا ورحمه لروح المنتقلة و تعزيات سماوية 💔 لكم ولكل الأسرة والأهل والأصدقاء وكل المحبين

-ملحقناش يامارلين والله، الوقت معاكي كان خفيف شبه وجودك في الدنيا حدث فوق استيعابي ... ربنا يرحمك ويصبرنا على فراقك.

-انا مش مصدق ازاى حد كان معايا فترة كبيرة و كذا مشروع و عرفتها معرفة شخصية و كدا فجأة اسمع خبر وفاتها انا مصدوم و مش مستوعب الموضوع و عشان بقالى اكتر من سنتين مشفتهاش كنت بأأمل فى يوم اشوفها أو حاجة  يعنى كانت وحشانى و هتفضل واحشانى و فعلاً البنت كانت فى حالها جدا و عمرى ما شفتها بتغلط و محترمة جدا فعلاً هى هتكون عروس للمسيح و ربنا يعزى اهلها و كل صحابها و نتقابل فى السماء.

وكتبت Julia Anwar Saad

مارلين قلبي اتكسر يا مارلين 

مش عارفة ازاي ده حصل ومش فاهمة لحد دلوقتي أن الناس بتكلمنا تعزينا فيكي انتي يا مارلين، مارلين انا لما بفكر فيكي بفتكر حياتي كلها اكتشفت أن مفيش حاجة واحدة عملتها في حياتي الا وانتي كنتي معايا فيها، انتي اختي وصاحبتي وكل حاجة ليا طيب تعرفي يا مارلين اني عمري ما طلبت من ربنا  اخت بنت عشان انتي موجودة كنت بطلع بحكيلك علي كل حاجة، واي حاجة تحصل استني سهرتنا كل يوم عشان نتكلم مع بعض الناس عمالة تقولي اتشددي وامسكي نفسك وهما مش عارفين انك انتي اللي بتسنديني اصلا فاكرة لما جيتي معايا عزا تيتا ف المنوفية وفاكرة لما جيتي معايا امتحان الادب يوم وفاة ماما ام بيتر وفضلتي واقفة علي رجلك اكتر من ساعة مع انك كنتي تقدري تقعدي ومواقف وحكايات ياما ، في حاجات كتير اوي يا مارلين كنا لسة هنعيشها مع بعض سبتينا بدري اوي وقلوبنا متكسرة، انتي مش بس هتوحشيني لأ ده حياتي وانتي فيها هي كمان هتوحشني لأني مش عارفة الدنيا هيبقي شكلها ازاي بعد كدة. سامحيني يا مارلين انا طلبت من ربنا اول السنة ديه اني اشوفك عروسة وربنا استجاب علي فكرة ولكن بطريقته هو

هيوحشني صوتك وضحكتك الحلوة وعينيكي ربنا يصبر قلوبنا ويبرد النار اللي فيها يا بختك بالسما ويابخت كل اللي عرفك واتكلم معاكي Marlin Magdy

ويأتي هذا بعد ساعات قليلة من رحيل عروس المنيا نانسى ميخائيل والتى رحلت إثر أزمة قلبية وهى ترتدى فستان زفافها وأثناء ذهابه لإتمام مراسم الزفاف وصلاة الاكليل .