محمود سعد يكشف تفاصيل عن مكالمته الأخير مع "محمد محمود عبد العزيز" وتصريحات تقلب مواقع التواصل الاجتماعي
نتعرف على تصريحات محمود سعد بخصوص أزمة ورثة محمود عبد العزيز مع بوسي شلبي حيث أنها تقول أنها كانت متزوجة، وبلك الورثى يؤكدون أنهما انفصلا منذ عام 1998، ولكن صرح محمود سعد تصريحات عن الأزمة قلبت الموازين:
مكالمة محمود سعد ومحمد محمود عبد العزيز:
"ردا على التعليقات.. ليه كتبت بوست في قصة ابناء محمود عبد العزيز مارفعتش التليفون وكلمتهم؟
هو انا ما عنديش تليفون لا محمد ولا كريم ده اول حاجة.. بس طبعا كان ممكن اجيبه.. لكن..
لما بدأت القصة تابعتها زي حضراتكم.. وانا ماعنديش معلومات اكتر من اللي قاله الناس..
الكلام مش لطيف. والتفاصيل دمها تقيل.. الحقيقة اني قلت يعني انا مش عايز ابقى بضغط عليهم.. انا بحبهم من وهما صغيرين وهما دلوقتي كبروا وبقوا نجوم وشخصيات كبيرة يقدروا ياخدوا قراراتهم بنفسهم مية في المية.. وانا ماحبش ابقى وصي على حد..
فلقيت انه الاسلم ان انا اكتب كلمتين. هم شافوهم ماشافوهمش مش مشكلة..
في حاجة بتعملها احيانا مش بتريحك قوي لكن بتحل مشكلة قابلتك.. انا قابلتني مشكلة ان في تجريح كده وكلام على محمود عبد العزيز واحنا متفقين كلنا كده انا واحمد ومحمود والمجموعة دي ان احنا ندافع عن بعض.. قلت اكتب كلمتين.. الكلمتين دول انا حاسسهم بجد انه يا جماعة لموا الحكاية دي.. مش عايزين شوشرة.. كتبت كلمتين هم يعملوا بيها او ما يعملوش هم مش ملزمين قدامي في حاجة.. لو اتكلمت في التليفون يبقى انا الزمتهم بانه اللي انا بقوله ده يصح انهم يعملوه.. لا ماقدرش الزمهم ولا احب ان انا الزمهم..
ففوجئت تاني يوم بان محمد بيدور عليا وجاب تليفوني وكلمني وقعدنا نتكلم كتير.. شكرته على انه اهتم وهو شكرني على اني اهتميت وكانت مكالمة كويسة.. بس ادي كل الحكاية.. فانا مش حابب اورطهم خالص.. ولا حابب ادخل في القصة دي لان ادخل فيه اعمل ايه.. ده خلاف بين الناس على شيء ما. يعني انا عرفت جزء منه لكن الباقي ما عرفتوش.. فانا ما اتدخلش..
في حد قاللي قول رأيك بصراحة اقول رأيي في ايه؟ سيدة كانت مرتبطة بمحمود عبد العزيز وفي مشكلة بينها وبين ولاده وولاده.. انا اقول رأيي في ايه؟ انا بس اقول يا جماعة لموا الموضوع بلاش شوشرة.. يا جماعة تصافوا مع بعض.. يا جماعة روحوا المحكمة من غير ما تكتبوا في السوشيال ميديا.. فحتى محمد قال لي انا ما عملتش حاجة خالص. غير لما طلع الكلام من الجهة التانية رحت مطلع بيان انا وكريم وما اتكلمتش خالص.. بس ادي كل الحكاية".
فيديو محمود سعد
نعرض لكم فيديو مكالمة محمود سعد التي نشرها حيث كان يتحدث مع محمد محمود عبد العزيز:
منشور محمود سعد لـ ورثة محمود عبد العزيز:
كتب محمود سعد رسالة إلى أبناء محمود عبد العزيز وقال:
"لى محمد وكريم محمود عبد العزيز..
ابنائي الغاليين..
لا احب التدخل في شئونكم الخاصة ولكن حين وصل الأمر الى القضاء ومواقع التواصل المختلفة وبات هناك تراشق من هنا وهناك.. وكلام حول زواج من عدمة.. والأمر كله يمس صديقي الغالي محمود عبد العزيز..
فليتكما تنهيان هذا الضجيج المصحوب بشائعات لا يصح ان تمس اسم الغالي محمود..
ما رأيكما في ايقاف الأمر كله والجلوس سويا (كل الاطراف) ومعالجة الأمر مهما كان في هدوء وبعيدا عن القيل والقال وانهاء هذه المشكلة.. اتمنى ذلك.. لا تدخل مني وانما هو في محبتكم ومحبة الصديق العزيز محمود عبد العزيز".
